9:67  67  SECUNDA  DEFENSIO  68  nihil  magis  receptum  sit  aut  vulgare  quam  sub  pane  dari  Christi  corpus.  Papistas  melius  a  necessitate  tropi  eximeret  sua  transsubstantiatio.  Qui  vero  panem  et  corpus  res  fatetur  esse  diversas,  quomodo  figuram  ab  his  verbis  tollet:  Hoc  est  corpus  meum?  Quid?  ubi  calix  vocatur  sanguis,  nonne  illis  in  promptu  est  exceptio,  continens  pro  contento  sumi?  Non  est  igitur  hoc  tragoedias  agere  in  nugis,  quod  dico  mihi  curae  non  esse,  quibuscum  phreneticus  hic  confligat,  [pag.  47]  qui  se  tam  pulchre  elidit.  Dicendum  enim  id  omnino  fuit,  nisi  vellem  sciens  causam  prodere.  Posthac  vero  ipse  discat  in  re  seria  non  ita  nugari.  Ac  libere  iterum  repeto,  nisi  tropum  suum  publico  consensu  sanctificatum  esse  ostendat,  suo  ipsius  ore  damnatum  esse  haereseos,  qui  sine  exceptione  pro  haereticis  habendos  tam  audacter  pronunciat,  quicunque  explicandis  Christi  verbis  figuram  adhibent.  Scite  tamen  eludit,l)  me  facetum  voluisse  videri  exprobans.  Vide,  Ioachime,  uter  facetiarum  sit  cupidior:  egone  qui  dictum  istud  non  nisi  ex  re  nata  sine  ulla  affectatione  inserui,  ac  sponte  oblatum  usurpavi,  an  tu,  qui  sine  lepore2)  nescio  quas  frigidas  elegantias  longe  accersis.  Tuus  vero  iste  triumphus,  tropum  tuum  sanctificatum  esse  a  Christo  et  ab  apostolis,  non  ante  victoriam  abs  te  canitur:  quia  iam  victus  ac  prostratus  tibi  tamen  plaudere  non  desinis.  Consentire  te  iactas  cum  Christo.  Certa  et  invicta  ratio,  si  modo  tibi  concederetur.  Sed  ex  quo  principio  hoc  sumptum  est,  magis  Christi  verbis  consentaneum  esse,  panem  vocari  corpus,  quia  cum  eo  corpus  datur,  [pag.  48]  quam  quia  symbolum  est  visibile  corporis,  et  quidem  cum  sua  veritate  coniunctum?  Quum  vero  scripturam  causeris  nec  dialecticis  nec  grammaticis  legibus  astringi,  quod  nos  tibi  libenter  damus,  quaero  nunc  qua  conscientia,  vel  etiam  qua  fronte  nostras  contradictiones  in  eadem  pagina  exagites,  quia  quidam  nostrum  in  verbis  Christi  synecdochen,  metaphoram  alii,  metonymiam  alii  esse  tradunt?  Nam  si  in  his  figuris  nulla  est  maior  religio,  sua  cuique  relinquenda  erat  libertas.  Sicuti  autem  concludit  Ioachimus,  licet  in  suo  dogmate  tuendo  nostri  consentiant,  et  in  verbis  quaedam  sit  consonantia,  contradictoria  tamen  scribere:  vicissim  ex  liquida  demonstratione  concludere  mihi  liceat,  ipsum  nec  probe  nec  ingenue  facere,  qui  inexplebili  contentionis  studio  improbe  ad  conflandum  dissidium  arripit,  quae  facile  conciliari  inter  se  poterant:  perperam  multa  calumniose  detorquet,  atque  ex  levicula  quaque  varietate  gravem  repugnantiam  confingit.  Dum  vero  Consensum  nostrum,  quo  sepulta  erant  omnia  dissidia,  suis  nebulis  quan-  1)  il  rabat  le  coup  de  fort  bonne  grace.  2)  sans  grace  ne  demi.