7:67  67  BRIEVE  INSTRUCTION  68  bien  que  nous  devions  desirer  uno  purete  souveraine  en  l'Eglise,  et  mettre  peine  qu'elle  y  soit:  neantmoins  que  iamais  nous  ne  la  verrons  si  pure,  qu'il  n'y  ait  beaucoup  de  pollutions  dedans.  Car  ce  qui  est  dict  que  le  Seigneur  Iesus  a  espandu  son  sang  pour  la  nettoyer,  afin  qu'elle  fut  sans  ridde  et  sans  macule  (Ephes.  5,  26),  ne  signifie  pas  que  des  a  present  elle  soit  nette  de  toutes  taches.  Mais  plustost  elle  croist  et  profite  de  iour  en  iour,  tendant  a  ce  but  [page  37]  auquel  elle  ne  parviendra  iamais  en  ce  monde.  Mais  encor  l'Eglise  est  entachee  de  vices  en  deux  sortes.  Car  il  n'y  a  membre  d'icelle  si  pur  ne  si  parfaict  qui  ne  soit  encor  environne  de  beaucoup  d'imperfections.  Tous  fideles  donc  pendant  qu'ilz  conversent  en  ce  monde,  ont  tousiours  quelque  immundicite  residente  en  leur  chair:  comme  toute  l'escriture  le  testifie:  et  principallement  sainct  Paul  au  septiesme  des  Romains  (v.  7  suiv.).  Touchant  de  ceste  espece  d'immundicite,  encor  que  nous  eussions  une  Eglise  la  mieux  policee  du  monde,  nous  ne  pouvons  pas  eviter  toutesfoys  que  nous  n'ayons  iournellement  besoing  que  nostre  Seigneur  nous  lave,  en  nous  remettant  noz  pechez  par  sa  misericorde.  La  seconde  maniere  dont  l'Eglise  est  souillee,  c'est  qu'il  y  a  tousiours  des  meschans  hypocrites  au  troupeau  des  bons,  pour  insecter  la  compagnie  de  leur  ordure.  Aucunesfoys  aussi  il  y  cn  a  des  contempteurs,  de  vie  dissolue  et  scandaleuse,  ou  bien  qui  se  contregarderont  de  paour  d'estre  reprins  devant  les  hommes:  mais  cependant  monstreront  bien  qu'ilz  n'ont  ne  crainte  ne  reverence  de  Dieu.  Ceste  pollution  doit  estre  ostee  par  la  discipline  d'excommunication:  et  y  faut  diligemment  travailler,  en  tant  que  faire  se  [page  38]  peut.  Mais  il  so  trouvera  beaucoup  d'Eglises  lesquelles  ne  feront  pas  leur  devoir  a  reietter  telles  ordures.  Les  autres,  qui  y  mettront  grand  peine  et  diligence,  n'en  viendront  pas  tellement  a  bout  qu'il  n'y  demeure  tousiours  une  grande  quantite  de  meschans  impuniz:  d'autant  que  la  malice  des  hypocrites  est  souvent  cachee  :  ou  pour  le  moins  n'est  pas  si  bien  descouverte,  qu'on  puisse  ietter  sentence  a  l'encontre.  Tenons  donc  en  somme  ce  que  dit  nostre  Seigneur,  que  iusque  a  la  fin  du  monde  il  nous  faut  endurer  beaucoup  de  mauvaises  herbes,  de  peur  que  si  nous  voulions  tout  arracher,  nous  ne  perdions  le  bon  grain  quant  et  quant  (Matth.  13,  25.  29).  Que  voulons-nous  plus?  Nostre  Seigneur,  pour  esprouver  les  siens,  a  voulu  assubiectir  son  Eglise  a  ceste  povrete,  qu'elle  fut  tousiours  meslee  de  bons  et  de  mauvais.  II  est  donc  question  de  passer  par  la.  Et  de  faict,  nous  avons  bonne  occasion  de  ce  faire.  Car  nous  devons  bien  porter  cest  honneur  a  la  saincte  parolle  du  Scigneur,  et  a  ses  sainctz  Sacremens:  que  par  tout  ou  nous  voyons  ceste  parolle