58:67  67  QUATRIEME  SERMON  68  thresorier,  et  qu'il  la  dispensast:  et  neantmoins  cestui-la  est  ennemi  (comme  il  semble)  de  l'election  de  Iacob.  Pourtant,  si  nous  voyons  beaucoup  de  contrarietez,  et  qu'il  semble  que  nostre  salut  doive  estre  recule  par  beaucoup  de  moiens,  et  que  nous  ne  voions  nulle  issue,  que  nous  sachions  que  Dieu  sera  victorieux  en  la  fin:  et  que  quelque  fragilite  qu'il  y  ait  en  nous,  neantmoins  qu'il  ne  laissera  pas  de  poursuivre:  et  combien  qu'il  y  ait  de  la  resistence  et  contradiction  ici  bas,  neantmoins  qu'il  surmontera  tout  et  en  viendra  bien  a  bout.  Mais  cependant  nous  sommes  admonnestez  par  l'exemple  d'Isaac,  de  nous  tenir  en  bride.  Car  s'il  est  avenu  a  un  tel  homme,  si  excellent,  et  qui  estoit  d'une  sainctete  Angelique,  de  resister  a  Dieu,  que  sera-ce  de  nous  au  prix?  Il  est  certain  que  nous  serons  chacun  iour  preoccupez  cent  fois  de  quelque  vaine  fantasie,  que  nous  viendrons  hurter  a  l'encontre  de  Dieu,  encore  que  nostre  intention  ne  soit  pas  telle.  Nous  avons  donc  besoin  de  nous  desfier  de  nostre  iugement  propre,  et  d'invoquer  Dieu,  afin  qu'il  nous  gouverne  par  son  S.  Esprit:  autrement  (comme  i'ay  dit)  nous  sommes  povres  esgarez,  et  irons  a  l'estourdie  ca  et  la,  et  quand  nous  cuiderons  estre  bien  sages,  il  n'y  aura  que  folie  en  nous,  voire  rebellion,  combien  qu'elle  ne  soit  pas  volontaire  et  a  escient.  Voila  donc  pour  un  item.  Mais  il  nous  faut  regarder  la  cause,  qui  est  ici  notee  par  Moise,  quand  il  dit,  qu'Isaac  aimoit  Esau:  et  pourquoy  l'aimoit-il?  Pource  que  la  venaison  estoit  sa  viande.  Ainsi,  gardons  bien  d'estre  menez  de  nos  appetits  charnels  et  terriens,  si  nous  voulons  nous  renger  a  Dieu.  Il  est  vray  que  le  boire  et  le  manger  ne  seront  point  condamnez:  car  Dieu  nous  a  mis  au  monde  a  ceste  condition,  que  nous  iouissions  de  ses  creatures:  et  quand  il  a  ordonne  le  boire  et  le  manger,  il  est  certain  que  nous  ne  l'offensons  pas  quand  nous  appetons  d'avoir  toutes  nos  necessitez,  et  que  nous  cerchons  aussi  l'usage  des  biens  qu'il  nous  a  apprestez.  Car  ce  n'est  point  sans  cause  qu'il  est  dit,  que  nous  facions  tout  en  son  nom,  voire  en  beuvant  mesme,  et  en  mangeant:  mais  selon  que  nous  sommes  corrompus,  il  ne  se  peut  faire  qu'il  n'y  ait  tousiours  de  l'exces  en  nos  appetits,  et  cest  exces  la  nous  fait  oublier  nostre  devoir  envers  Dieu:  tellement  que  nous  sommes  ravis  tous  les  coups:  et  quand  nous  pensons  faire  nostre  devoir,  nous  en  sommes  bien  loin.  Or  Isaac  devoit  tousiours  avoir  cela  devant  ses  yeux,  et  mesme  il  le  devoit  avoir  engrave  en  son  coeur,  ceste  voix  devoit  retentir  a  ses  aureilles:  c'est  assavoir,  que  le  plus  grand  serviroit  au  moindre:  il  devoit  sans  fin  et  sans  cesse  mediter,  Et  bien,  puis  que  Dieu  a  voulu  que  son  election  residast  en  Iacob,  il  faut  que  ie  m'accorde  a  cela.  Or  cependant,  le  manger  le  destourne,  et  le  pousse  tout  au  rebours.  Avisons  donc  de  nostre