56:67  67  GENESE.  il  leur  dit,  Non:  mais  vous  estes  venus  voir  les  lieux  foibles  de  la  terre.  13.  Et  ils  respondirent,  Nous  sommes  douze  freres  tes  serviteurs,  enfans  d'un  mesme  homme  en  la  terre  de  Chanaan:  desquels  le  plus  petit  est  auiourd'huy  avec  nostre  pere,  et  un  n'est  plus.  14.  Derechef  Ioseph  leur  dit,  C'est  ce  que  ie  vous  disoye,  vous  estes  espies:  15.  En  ce  vous  serez  esprouvez  :  par  la  vie  de  Pharao  vous  ne  sortirez  d'ici,  sinon  quand  vostre  petit  frere  sera  ici  venu.  16.  Envoyez-en  l'un  de  vous  qui  amene  vostre  frere,  mais  vous  serez  liez,  afin  que  vos  paroles  soyent  esprouvees,  assavoir  si  verite  est  avec  vous:  et  sinon,  par  la  vie  de  Pharao  vous  estes  espies.  17.  Et  ainsi  il  les  mit  en  prison  par  trois  iours.  Mais  au  troisieme  iour  Ioseph  leur  dit,  18.  Faites  cela,  et  vous  vivrez  :  ie  crain  Dieu.  19.  Si  vous  estes  preud'hommes,  l'un  de  vos  freres  soit  lie  en  la  maison  de  vostre  garde,  et  vous  en  allez,  remenans  des  victuailles,  pour  la  famine  de  vostre  maison.  20.  Et  m'amenez  vostre  petit  frere,  et  vos  paroles  soyent  verifiees:  pour  ainsi  vous  ne  mourrez  point:  et  ils  firent  ainsi.  21.  Et  ils  disoyent  l'un  a  l'autre,  Certes  nous  avons  forfait  contre  nostre  frere:  car  nous  avons  veu  l'angoisse  de  son  ame,  quand  il  nous  supplioit,  et  ne  l'avons  point  exauce:  au  moyen  de  quoy  ceste  tribulation  nous  est  advenue.  22.  Et  Ruben  leur  respondit,  disant,  Ne  nous  ay-ie  point  predit,  disant,  Ne  pechez  point  contre  l'enfant:  et  vous  n'obeistes  point?  Et  aussi  voici  son  sang  est  requis.  23.  Et  iceux  ignoroyent  que  Ioseph  l'entendist:  pour  autant  qu'il  y  avoit  truchement  entr'eux.  24.  Luy  se  destourna  d'eux,  et  pleura:  puis  reveint  a  eux,  et  preint  Simeon  d'entr'eux,  et  le  garrota  devant  leurs  yeux.  25.  Apres,  Ioseph  commanda  qu'on  emplist  leurs  sacs  de  froment,  et  qu'on  restituast  Targent  d'un  chacun  d'eux  en  son  sac,  et  qu'on  leur  donnast  pourvoyance  pour  la  voye.  26.  Et  ainsi  leur  fut  fait.  Et  mirent  leur  ble  sur  leurs  asnes,  et  s'en  allerent  de  la.  27.  Et  l'un  d'eux  ouvrit  son  sac  pour  donner  la  provende  a  son  asne  a  l'hostellerie  :  lors  il  veit  son  argent  qui  estoit  a  la  gueule  de  son  sac,  et  dit  a  ses  freres,  28.  Mon  argent  m'est  rendu  :  et  de  faict  le  voici  en  mon  sac.  Et  le  coeur  leur  tressaillit,  et  furent  espovantez  ensemble,  disans,  Qu'est  ceci  que  Dieu  nous  a  fait?  29.  Et  ils  parveinrent  en  la  terre  de  Chanaan  a  Iacob  leur  pere,  et  luy  raconterent  tout  ce  qui  leur  estoit  advenu,  disans,  30.  Un  homme  seigneur  de  la  terre  a  parle  a  nous  rudement,  et  nous  a  reputez  comme  espies  du  pays.  31.  Mais  nous  luy  respondismes,  Nous  sommes  feables,  nous  ne  sommes  point  espies.  32.  Nous  sommes  douze  freres,  fils  de  nostre  pere:  l'un  ne  reste  plus,  et  le  plus  petit  est  auiourd'huy  avec  nostre  pere  en  la  terre  de  Chanaan.  33.  Et  cest  homme  seigneur  de  la  terre  nous  respondit,  En  ce  cognoistray-ie  qu'estes