54:67  67  SERMON  VI  68  telles.  Pais  qu'ainsi  est  que  Satan  veille  ainsi  sur  nous,  et  qu'il  suscite  tousiours  quelque  pieque  pour  nous  destourner  de  la  pure  verite  de  Dieu,  que  nous  soyons  de  nostre  coste  vigilans,  que  nous  facions  bon  guet.  Or  ce  n'est  point  encores  assez:  mais  que  nous  soyons  prudens,  afin  que  si  on  nous  veut  introduire  quelque  doctrine  sauvage,  encores  qu'elle  ne  fust  pas  du  tout  mauvaise,  et  qu'on  n'apperceust  pas  qu'elle  fust  directement  contraire  a  T  Escrit  ure  saincte,  toutesfois  si  nous  voyons  qu'il  y  ait  une  espece  de  desguisement,  que  ce  soit  comme  une  facon  bastarde,  que  nous  repoussions  cela,  scachans  que  la  verite  de  Dieu  doit  estre  tenue  en  son  naturel,  sans  qu'on  y  change  rien  qui  soit.  Voila  doncques  comme  nous  avons  a  prattiquer  ceste  admonition  que  donne  ici  sainct  Paul.  La  chose  sera  encores  mieux  entendue  par  exemple.  Nous  scavons  comme  nostre  Seigneur  nous  appelle  a  soy.  Or  si  on  nous  propose  quelque  doctrine  toute  diverse  a  ce  qui  nous  est  monstre  par  la  Loy  et  l'Evangile,  il  nous  faut  reietter  cela  comme  peste  mortelle,  scachans  bien  que  c'est  le  diable  qui  veut  meurtrir  nos  ames:  mais  encores  quand  on  y  viendra  comme  par  dessous  terre,  et  en  cachette,  par  moyens  subtils  et  obliques,  ne  pervertissant  point  du  tout  l'Evangile,  mais  en  mettant  quelque  chose  moyenne  pour  nager  entre  deux  eaux,  il  faut  aussi  qu'en  cest  endroit  nous  ayons  discretion  de  nous  garder.  Pourquoy?  Nous  serons  tout  esbahis  que  la  bonne  semence  sera  estouffee,  la  bonne  viande  sera  comme  fade,  et  aura  perdu  son  goust,  tellement  que  nous  n'en  serons  point  repeus.  Et  nous  avons  veu  tous  les  deux  de  nostre  temps:  et  pleust  a  Dieu  que  ce  fust  la  fin.  Mais  quoy?  Dieu  veut  esprouver  nostre  foy  par  ce  moyen,  comme  sainct  Paul  dit  qu'il  faut  qu'il  y  ait  des  sectes,  afin  que  ceux  qui  ont  chemine  droitement,  soyent  cognus  et  approuvez  quand  ils  auront  tenu  bon,  et  qu'ils  auront  persiste  constamment  sans  flechir.  Mais  on  verra  auiourd'huy  ces  caphars  qui  taschent  de  mettre  sous  le  pied  toute  bonne  doctrine:  et  ceux-la  y  vont  a  bride  avallee,  qu'ils  combatent  furieusement  contre  toute  la  parole  de  Dieu.  On  en  verra  de  si  volages,  que  si  auiourd'huy  ils  ont  receu  l'Evangile,  demain  ils  en  seront  destournez.  Et  pourquoy?  Car  ils  n'ont  point  eu  de  racine.  De  nostre  part,  ii  nous  faut  cognoistre  l'efficace  de  Satan,  et  que  la  verite  de  Dieu  ne  nous  serve  pas  seulement  de  nourriture,  mais  que  nous  en  soyons  armez  pour  pouvoir  resister  a  ce  que  Satan  machinera  pour  nous  en  divertir.  Voila  un  item.  Or  on  verra  d'autres  gens  qui  ne  feront  pas  profession  manifeste  de  maintenir  la  Papaute,  mais  ils  iront  entre  deux:  comme  nous  avons  veu  cest  Interim  diabolique  de  nostre  temps,  qui  a  este  mis  en  avant.  Et  pourquoy?  Pour  donner  couleur  et