51:67  67  SERMONS  68  Boit  honore,  et  que  le  mal  soit  purge:  c'est  quand  nous  serons  rudes  et  aspres  pour  nous  tenir  en  bride,  et  que  si  nous  .voulons  reprendre  les  autres,  que  nous  condamnions  en  premier  lieu  tous  nos  vices,  et  que  nous  monstrions  qu'il  nous  desplaisent,  et  que  nous  cerchons  le  remede  entant  qu'en  nous  est.  Voila  donc  comme  nous  devons  estre  iuges  de  nos  prochains:  c'est  apres  nous  estre  condamnez  en  premier  lieu.  Or  il  n'y  a  pas  seulement  ici  une  admonition  pour  le  passe:  mais  pour  l'advenir.  Sainct  Paul  donc  ne  dit  pas  ici,  Regarde  que  tu  as  failli  d'autres  fois:  mais  il  dit,  Megarde  que  tu  pourras  estre  tente.  Et  de  faict  il  nous  faut  tousiours  cheminer  en  crainte  et  solicitude:  non  pas  que  nous  ne  soyons  tousiours  appuyez  sur  la  grace  de  nostre  Dieu:  mais  il  ne  faut  pas  estre  nonchalans  :  car  la  foy  n'emporte  pas  que  il  nous  chaille  de  rien:  mais  plustost  comme  sainct  Faul  nous  monstre  au  2.  chap.  des  Philippiens,  d'autant  que  nous  ne  pouvons  rien  de  nous,  et  qu'il  faut  que  Dieu  nous  conduise  par  son  S.  Esprit,  et  apres  nous  avoir  donne  le  vouloir  qu'il  nous  donne  aussi  la  vertu  d'executer.  D'autant  donc  que  nous  tenons  tout  de  Dieu,  voila  pourquoy  il  nous  faut  cheminer  en  crainte  et  solicitude.  Et  ainsi  en  considerant  nos  fautes  passees,  et  regardant  encores  quelle  est  nostre  condition  a  present,  nous  avons  tousiours  occasion  de  baisser  les  yeux,  vray  est  que  cependant  Dieu  nous  fait  la  grace  d'estre  iuges,  encores  que  nous  meritions  d'avoir  la  bouche  close,  quand  ii  veut  que  nous  ayons  le  courage  de  maintenir  le  bien  et  condamner  le  mal.  Mais  cependant  si  faut-ii  avec  humilite  que  nons  apprenions  ici  de  redarguer  les  fautes  que  nous  avons  desia  condamnees  en  nous,  voyans  que  de  iour  en  iour,  d'heure  en  heure,  de  minute  en  minute,  nous  pourrions  tomber.  Puis  qu'ainsi  est  donc,  que  nous  ayons  pitie  de  ceux  qui  faillent:  car  ce  nous  sont  autant  de  miroirs  de  nostre  fragilite,  d'autant  que  nous  voyons  la  quels  nous  sommes,  sinon  d'autant  que  nous  sommes  maintenus  par  la  grace  de  l'Esprit  de  Dieu.  Qui  plus  est,  en  admonnestant  ceux  qui  ont  failli,  encores  pouvons-nous  offenser  Dieu  en  cela  (comme  nous  avons  declare)  si  nous  y  sommes  excessifs,  et  qu'il  y  ait  une  rigueur  trop  grande  'et  sans  humanite.  Combien  donc  que  ce  soit  une  vertu  a  priser  que  l'admonition  que  nous  ferons  a  nos  prochains:  tant  y  a  que  si  nous  y  sommes  intemperans,  tout  cela  tournera  en  vice,  sinon  que  nostre  Seigneur  nous  retienne  en  sorte  que  nous  soyons  moderez  pour  ne  point  decliner  a  ces  deux  vices,  que  fay  desia  touchez  par  ci  devant.  Voila  donc  en  somme  ce  que  nous  avons  a  retenir  quant  a  ceste  sentence  de  sainct  Paul.