49:67  67  EPIST.  PAULI  AD  ROMANOS  68  fidem,  ex  fide  alios  iustificari  dixit,  videtur  oblectatus  varietate  sermonis  in  eadem  re  indicanda,  ut  Iudaeorum  stultitiam  obiter  perstringeret,  qui  discrimen  inter  se  et  gentes  comminiscebantur:  quum  in  causa  iustificationis  nihil  prorsus  differrent.  Si  enim  sola  fide  fiunt  homines  huius  gratiae  compotes  :  fides  autem  in  utrisque  est  eadem:  ridiculum  est,  in  tanta  similitudine  facere  dissidium.  Itaque  subesse  in  verbis  ironiam  iudico:  ac  si  diceret:  Si  quis  vult  habere  differentiam  gentilis  a  Iudaeo,  hanc  habeat,  quod  ille  per  fidem,  hic  vero  ex  fide  iustitiam  consequitur.  Nisi  forte  ita  distinguere  magis  placeat,  iustificari  ex  fide  Iudaeos,  quia  nascuntur  gratiae  haeredes,  dum  ius  adoptionis  a  patribus  ad  eos  transmittitur:  gentes  vero  per  fidem,  quia  his  adventitium  est  foedus.  31.  Legem  igitur  irritam  facimus  per  fidem?  Ne  ita  sit:  sed  legem  stabilimus.  31.  Legem  igitur  irritam,  ete.  Ubi  lex  fidei  opponitur,  ex  eo  statim  quandam  repugnantiae  suspicionem  caro  arripit,  ac  si  alterum  alteri  adversaretur.  Praesertim  vero  facile  obtinet  falsa  haec  imaginatio  inter  eos,  qui  praepostera  legis  intelligentia  imbuti  nihil  aliud  in  ea  quaerunt  quam  operum  iustitiam,  promissionibus  omissis.  Atque  hoc  nomine  pessime  audiebat  inter  Iudaeos  non  modo  Paulus,  sed  Dominus  quoque  ipse  :  ac  si  tota  sua  praedicatione  legis  abrogationem  moliretur.  Unde  illa  contestatio  :  Non  veni  ad  solvendam  legem,  sed  implendam.  Haec  autem  suspicio  tam  ad  mores,  quam  ad  caeremonias  pertinebat.  Quia  enim  evangelium  finem  imponit  caeremoniis  mosaicis,  putatur  ad  destruendum  Mosis  ministerium  tendere.  Ad  hoc,  quia  omnem  operum  iustitiam  obliterat,  creditur  adversari  tot  testimoniis  legis,  ubi  affirmat  Dominus,  se  iustitiae  ac  salutis  viam  illic  praescripsisse.  Quare  hanc  Pauli  excusationem  neque  de  caeremoniis  seorsum,  neque  de  mandatis  (ut  vocant)  moralibus:  sed  in  universum  de  tota  lege  accipio.  Nam  lex  moralis  vere  confirmatur  ac  stabilitur  per  fidem  in  Christum  :  quandoquidem  in  hunc  finem  lata  est,  ut  hominem  de  sua  iniquitate  edoctum  ad  Christum  adduceret:  sine  quo  nec  ipsa  praestatur*),  frustraque  clamat  quid  factu  rectum  sit:  nec  potest  nisi  cupiditatem  magis  irritare,  quo  maiorem  tandem  condemnationem  homini  accersat.  Ubi  vero  ad  Christum  ventum  est,  primum  in  eo  invenitur  exacta  legis  iustitia,  quae  per  imputationem  etiam  nostra  fit.  Deinde  sanctificatio,  qua  formantur  corda  nostra  ad  legis  observationem,  imperfectam  quidem  illam,  sed  quae  ad  scopum  collimat2).  Similis  caeremoniarum  ratio,  *)  impletur  2)  colineat.