47:67  67  IN  EVANGELIUM  IOANNIS  68  vitam  reiiciunt  non  restare  nisi  mortem,  quum  non  alibi  vita  constet  quam  in  fide.  Praeteritum  verbi  tempus  ��{AcpaTCxot)c  posuit,  quo  melius  exprimeret  de  omnibus  incredulis  actum  esse.  Notandum  autem  Christum  peculiariter  de  his  loqui  quorum  impietas  se  in  manifesto  evangelii  contemptu  prodiderit.  Tametsi  enim  verum  est,  non  aliud  unquam  fuisse  effugiendae  mortis  remedium  quam  si  ad  Christum  confugerent  homines,  quia  tamen  hic  Christus  disserit  de  evangelii  praedicatione  quae  spargenda  erat  per  totum  mundum,  sermonem  adversus  eos  stringit,  qui  accensam  divinitus  lucem  sponte  ac  maligne  exstinguunt.  19.  Hoc  autem  est  iudicium,  quod  lux  venit  in  mundum  :  et  dilexerunt  homines  tenebras  magis  quam  lucem.  Erant  enim  mala  eorum  opera.  20.  Quisquis  enim  mala  agit,  odit  lucem,  et  non  venit  ad  lucem,  ne  arguantur  opera  eius.  21.  Qui  autem  facit  veritatem,  venit  ad  lucem,  ut  manifestentur  eius  opera,  quod  in  Deo  sint  facta.  19.  Hoc  autem  est  iudicium.  Occurrit  murmuribus  et  querimoniis,  quibus  exagitare  solent  profani  homines  nimium,  ut  ipsi  putant,  Dei  rigorem,  quum  severius  quam  optarent  cum  illis  agit.  Durum  videtur  omnes  qui  in  Christum  non  credunt  exitio  devoveri.  Ne  quis  itaque  suam  damnationem  Christo  adscribat,  propriae  cuiusque  culpae  imputandam  esse  docet.  Ratio,  quia  infidelitas  malae  conscientiae  testis  est.  Unde  constat,  obstare  suam  pravitatem  incredulis,  no  ad  Christum  accedant.  Sunt  qui  putant  notari  hic  duntaxat  signum  damnationis.  At  Christi  consilium  est  hominum  improbitatem  compescere,  ne  suo  more  tergiversari  vel  cum  Deo  expostulare  audeant,  quasi  inique  eos  tractet,  dum  infidelitatem  morte  aeterna  punit.  Tale  ergo  iudicium  aequum  esse,  nullisque  calumniis  obnoxium  demonstrat,  non  tantum  quia  perverse  faciunt,  qui  tenebras  praeferunt  luci  et  lucem  ultro  sibi  oblatam  fugiunt,  sed  quia  illud  odium  lucis  nonnisi  ex  animo  male  sibi  conscio  et  scelerato  nascitur.  Refulget  quidem  in  multis  pulchra  sanctitatis  species,  .qui  tamen  evangelio  adversantur,  verum  ut  sanctiores  angelis  appareant  hypocritas  esse  minime  dubium  est,  qui  non  alia  de  causa  repellunt  Christi  doctrinam  nisi  quia  latebras  suas  amant,  quibus  tegatur  eorum  foeditas.  Quum  ergo  sola  hypocrisis  infensos  homines  Deo  reddat,  tenentur  omnes  convicti,  quia  nisi,  superbia  excaecati  in  vitiis  sibi  placerent,  prompti  ac  voluntarii  essent  ad  recipiendam  evangelii  doctrinam.  20.  Quisquis  enim  mala  agit.  Sensus  est,  ideo  lucem  ipsis  esse  odiosam  quia  mali  sunt,  et  quantum  in  se  est  peccata  sua  tegere  cupiunt:  unde  sequitur  eos  remedium  abigendo  damnationis  mate-