45:67  67  HARMONIA  EVANGELICA.  68  perfecte  populo  suo  praesentem  statuet.  Obiiciunt  Iudaei,  stulte  et  absurde  facturum  fuisse  Iesaiam,  si  illius  saeculi  hominibus  signum  dedisset,  quod  octingentis  postea  annis  aut  circiter  fuit  exhibitum.  Et  hic  plus  quam  superbe  exsultant,  quia  Christianorum  vel  imperitia,  vel  incuria  haec  obiectio  praeterita  et  sepulta  fuit.  Atqui  naihi  non  difficilis  videtur  solutio:  si  quidem  observemus,  foedus  adoptionis  datum  Iudaeis  fuisse,  unde  reliqua  omnia  Dei  beneficia  penderent.  Erat  ergo  generalis  promissio,  quia  sibi  Deus  filios  Abrahae  in  populum  cooptaverat,  in  qua  fundatae  erant  speciales  omnes  promissiones.  Rursum  foederis  huius  fundamentum  erat  Messias.  Iam  tenemus,  causam  liberandae  urbis  fuisse,  quia  Dei  sanctuarium  erat  et  inde  proditurus  erat  redemptor.  Hoc  respectu  sublato  centies  periisset  Hierosolyma.  Expendant  nunc  pii  lectores,  quum  aperte  reiiceret  domus  regia  oblatum  a  Deo  signum,  annon  opportunus  fuerit  prophetae  transitus  ad  Messiam,  ac  si  dixisset,  quamvis  saeculum  hoc  salute,  quam  a  Domino  polliceor,  indignum  sit,  Deus  tamen  foederis  sui  memor  urbem  hanc  ab  hostibus  eripiet.  Ergo  ut  nullum  particulare  signum  nunc  edat  testandae  gratiae  suae  causa,  hoc  unum  satis  superque  esse  debet,  quod  ex  stirpe  Davidis  oriturus  sit  Messias.  Notandum  vero  est,  quod  incredulos  revocat  propheta  ad  generale  foedus,  speciem  esse  exprobrationis,  eo  quod  nullum  particulare  signum  admitterent.  Iam  mihi  satis  probasse  videor,  prophetam,  quum  praeclusa  esset  miraculis  omnibus  ianua,  tempestive  ad  Christum  transire,  ut  cogitent  increduli,  non  aliam  fuisse  liberationis  causam  quam  foedus  cum  patribus  initum.  Atque  hoc  memorabili  documento  testari  voluit  Deus  omnibus  saeculis,  ideo  se  continuo  tenore  tam  beneficum  fuisse  erga  Abrahae  filios,  quia  gratuitum  cum  illis  foedus  in  Christo,  et  non  eorum  meritis  pepigerat.  Altero  cavillo  nostram  sententiam  eludere  conantur  Iudaei,  quia  mox  sequitur  in  contextu  prophetae,  Antequam  sciat  puer  reprobare  malum  et  eligere  bonum,  relinquetur  terra  a  duobus  regibus,  ete,  Hinc  colligunt,  promitti  infantis  partum,  qui  minime  in  longum  tempus  differendus  erat:  alioqui  non  quadraret,  quod  de  propinqua  regnorum  mutatione  dicitur,  quam  propheta  fore  denuntiat,  antequam  infans  ille  pueritiam  mediam  attigerit.  Respondeo,  ubi  signum  de  futuro  salutis  autore  protulit  Iesaias,  et  infantem  nasciturum  asseruit,  qui  verus  esset  Immanuel,  vel  (ut  Pauli  verbo  utar  1.  Tim.  3,  16)  Deus  in  carne  manifestatus,  iam  communiter  verba  facere  de  quibuslibet  eius  aetatis  infantibus.  Cuius  rei  firma  est  in  promptu  ratio:  praefatus  enim  de  generali  pacto  Dei  redit  ad  specialem  promissionem,  cuius  causa  missus  fuerat.  Ita  prior  locus,  qui  ad  ultimam  et  plenam  redemptionem  spectat,  certum  quendam  pue-