44:67  67  IN  SOPHONIAM  68  andi  materiam:  nempe  vult  nos  recumbere  duntaxat  in  sua  gratia.  Hoc  quidem  non  debuerat  a  nobis  extorqueri:  nam  quid  magis  optabile  quam  sperare  in  Deo?  Porro  quia  semper  plus  sibi  arrogant  homines  quam  liceat,  et  sese  subrogant  hoc  modo  in  Dei  locum,  non  possunt  vere  et  sincere  in  ipsum  sperare.  Putant  quidem  se  spem  locare  in  Deo,  ubi  tribuunt  illi  partem  suae  salutis:  sed  spes  non  potest  locari  in  Deo,  nisi  in  solidum  :  ideo  necesse  est  in  nihilum  redigi  qui  sibi  vel  tantillum  falso  tribuunt  :  et  hoc  intelligit  propheta.  Caeterum  sciamus  non  aliter  proficere  homines  sub  Dei  ferulis,  donec  se  ipsos  prorsus  abnegaverint,  et  obliti  suae  virtutis  quam  falso  imaginantur,  in  ipso  solo  recumbant.  Loquitur  autem  propheta  de  solis  electis:  quia  videmus  multos  duriter  affligi,  et  tamen  non  ideo  mitescere,  neque  exuere*  pristinam  ferociam.  Sed  Dominus  ita  suos  castigat,  ut  etiam  spiritu  mansuetudinis  corrigat  in  ipsis  omnem  fastum  et  altitudinem.  Iam  quum  dicit,  Sperabunt  in  nomine  Iehovae,  opponit  spem  istam  superbiae  quam  prius  damnavit.  Volebant  enim  videri  sperare  in  Dei  nomine,  quum  obiicerent  montem  Sion,  et  magnifice  proponerent  in  medium  adoptionem,  qua  segregati  erant  a  profanis  gentibus.  Sed  mendax  illa  fuit  iactantia  quae  nihil  habuit  spei.  Sperare  igitur  in  nomine  Iehovae,  nihil  aliud  est  quam  sincere  amplecti  quam  offert  gratiam  verbo  suo,  neque  obtendere  vanos  praetextus  :  sed  invocare  ipsum  puro  corde  et  serio  fidei  et  poenitentiae  sensu.  In  eundem  finem  adiungit,  Bdiquiae  Israel  non  amplius  patrabunt  iniquitatem,  neque  loquentur  mendacium,  neque  invenietur  lingua  dolosa  in  ipsorum  ore.  Continuat  eandem  sententiam  propheta,  quod  scilicet  ecclesia  non  minoris  aestimanda  sit,  si  tantum  constet  ex  paucis  hominibus:  quoniam  in  magno  numero  sunt  multae  sordes,  quae  foetore  suo  non  modo  conspurcant  terram,  sed  coelum  ipsum  inficiunt.  Quum  ergo  iniquitatibus  referta  esset  Ierosolyma  quantisper  stetit  integer  populus,  propheta  hoc  solatium  adducit,  non  esse  nimis  dolendum  si  tantum  ex  immensa  arena  maris  et  ingenti  multitudine  stellarum  Deus  colligat  exiguam  manum:  nempe  quia  saltem  purgata  erit  ecclesia.  Magni  autem  interest,  sordes  abstergi  a  Dei  sanctuario.  Quid  enim  magis  indignum  quam  ex  loco  sacro  fieri  quasi  haram  porcorum,  et  profanari  quod  Deus  voluit  sibi  peculiariter  dicatum?  Quum  ergo  Ierosolyma  sacrarium  esset  Dei,  nonne  oportuit  illic  coli  pietatem?  Quum  autem  foedata  esset  omni  sordium  genere,  propheta  ostendit  non  debere  videri  hoc  grave,  quod  Dominus  auferet  ingentem  illam  turbam  quae  falso  gloriabatur  sub  praetextu  nominis  eius.  Non  ergo  facient  iniquitatem.  Iam  sub  una  specie  complectitur  regulam  iuste  vivendi,  quum  dicit,  Non  loquentur  mendaciter,  neque  reperietur