42:67  67  SERMON  XXXIX.  68  les  ensuivre.  Quand  donc  nous  tournerons  bride,  et  que  nous  irons  tout  au  rebours,  il  est  certain  que  ceux  qui  auront  ainsi  espandu  leur  sang  pour  soustenir  la  verite  de  Dieu,  demanderont  vengeance  de  nostre  laschete,  et  faudra  que  tant  qu'il  y  ha  eu  iamais  de  martirs,  tant  sous  la  loy,  que  sous  l'Evangile,  que  ce  nous  soient  autant  d'advocats  qui  plaideront,  non  point  pour  nostre  cause,  mais  a  l'encontre  de  nous,  et  ainsi  que  ce  nous  soit  une  chose  detestable,  que  cette  laschete  la,  et  sur  tout  connoissons  que  l'esprit  de  Dieu  sera  le  principal  advocat,  qui  formera  nostre  proces  criminel  a  nostre  confusion,  car  c'est  luy  qui  ha  besongne  en  eux,  et  sa  vertu  n'est  point  auiourd'huy  amoindrie,  ii  ne  demande  sinon  que  nous  l'invoquions,  et  nous  sentirons  une  telle  assistance  de  luy,  et  de  sa  vertu,  comme  ont  fait  les  fideles  du  temps  passe.  Voila  donc  ce  que  nous  avons  a  recueillir  de  ce  passage.  Or  il  est  dit  consequemment  que  cela  se  fera  par  plusieurs  iours,  pour  signifier  que  cette  persecution  ici,  ne  sera  point  si  tost  passee,  et  il  nous  faut  bien  noter  ce  mot,  car  encores  que  plusieurs  aient  bon  zele,  neantmoins,  ils  se  faschent  quand  ils  voient  que  la  tirannie  des  meschans  dure,  et  que  Dieu  cependant  les  laisse  faire:  celuy  qui  aura  endure  pour  un  mois  se  faschera  au  bout  de  l'an,  et  quoy?  sera-ce  tousiours  a  recommencer?  Or  il  est  dit  que  cela  sera  pour  quelque  temps,  a  fin  que  les  fideles  se  preparassent,  et  qu'encores  que  la  tirannie  fust  plus  longue  qu'ils  n'eussent  souhaitte,  qu'ils  ne  defaillissent  point,  mais  qu'ils  prinssent  courage,  attendans  la  fin  telle  que  Dieu  y  voudroit  mettre.  Or  on  void  ce  qui  est  advenu,  il  est  vray  que  cela  a  dure,  mais  cependant  aussi  les  martirs  se  sont  tousiours  monstres  constans  en  Dieu,  et  ce  n'ha  pas  este  seulement  pour  un  iour  qu'on  ha  tue  et  meurtri,  mais  toutes  fois  et  quantes  qu'on  recommencoit  les  persecutions,  on  trouvoit  gens  qui  estoient  prests  pour  souffrir,  a  fin  de  maintenir  la  gloire  de  Dieu,  et  sa  verite.  Quand  nous  voions  cela,  si  auiourd'huy  Dieu  permet  que  les  afflictions  soient  plus  longues  que  nostre  infirmite  ne  demande,  que  nous  ne  nous  desesperions  point  pourtant,  mais  armons-nous  de  ce  qui  ha  este  fait,  et  de  ce  qui  est  advenu  le  temps  passe,  et  connoissons  que  Dieu  cependant  donnera  telle  issue,  que  nous  aurons  dequoy  nous  resiouir  en  luy,  et  luy  rendre  action  de  graces.  Or  quand  il  est  dit  pour  un  temps,  cela  signifie  deux  choses,  l'une  est  celle  que  i'ai  desia  dite,  c'est  a  scavoir,  que  les  persecutions  ne  seront  point  seulement  pour  un  iour,  ne  pour  un  mois,  mais  tant  qu'il  plaira  a  Dieu  de  les  continuer,  et  au  reste  qn'elles  ne  seront  pas  perpetuelles,  non  seulement  que  Dieu  y  donnera  fin,  quand  il  nous  retirera  de  ce  monde,  mais  encores  cependant  que  nous  y  demourerons,  il  nous  donnera  quelque  repos