40:67  67  PRAELECTIONES  68  perfide  se  gesserunt  contra  me  usque  ad  hunc  diem.  Non  extenuat  eorum  crimen,  quum  dicit  imitari  patrum  exempla,  sed  potius  amplificat  illam  populi  impietatem,  quum  dicit  non  incipere  nunc  primum,  sed  progenitos  fuisse  ab  impiis  parentibus:  quasi  diceret  esse  mala  ova  malorum  corvorum,  sicuti  fertur  vulgari  proverbio.  Caeterum,  hinc  apparet  nihil  ad  praetextum  erroris  valere  quum  patres  obiicimus  sicuti  hodie  hunc  clypeum  papistae  Deo  opponunt.  Nam  dum  habent  patres  in  ore,  existimant  hoc  satis  valere  ad  defensionem  omnium  impietatum.  Atqui  videmus  non  tantum  pro  nihilo  hoc  duci  apud  Deum,  sed  inde  magis  exaggerari  crimen,  ubi  filii  causam  obstinationis  sumunt  ex  malis  patrum  exemplis.  Neque  enim  propheta  duntaxat  docere  vult  frivolum  esse  hunc  colorem,  si  Iudaei  obiiciant  se  formare  vitam  ad  patrum  imitationem:  sed  ut  videmus,  ostendit  bis  damnandos  esse,  quia  non  destiterint  statim  ab  initio  provocare  Deum:  atque  ita  continua  serie  omnibus  saeculis  impietas  apud  ipsos,  et  contemptus  coelestis  doctrinae  praevaluerit.  Caeterum,  admonet  hic  locus  non  abutendum  esse  longa  Dei  tolerantia.  Nam  quum  prophetam  suum  misit,  videmus  in  quem  finem.  Iam  addictus  erat  populus  ultimo  exitio:  sed  voluit  Deus  altius  ipsum  demergere  usque  ad  ultimas  abyssos.  Cavendum  igitur  est  ne  quid  simile  nobis  contingat,  si  manemus  obstinati.  Ergo  ubi  Deus  prophetas  alios  aliis  submittit,  necesse  est  nos  revocari  ad  poenitentiam:  ac  videndum  est  ne  sermo,  qui  proprie  destinatus  est  in  salutem  hominum,  nobis  sit  odor  mortis  in  mortem,  sicuti  fuit  veteri  populo.  Sequitur,  4.  Et  filii  duri  facie,  et  robusti  corde:  ego  mitto  te  ad  eos,  et  dices  illis,  Sic  dicit  dominator  Iehovah,  5.  Et  ipsi  sive  audiant,  sive  desistant:  quoniam  domus  rebellionis  ipsi:  et  scient  (copula  tamen  hic  abundat,  et  resolvi  debet  in  adverbium  temporis,  vel  in  adversativam  particulam,  tamen  scient)  quod  propheta  fuerit  inter  ipsos.  Pergit  Deus  in  eodem  sermone,  sed  aliis  verbis  exprimit  qualis  fuerit  rebellio  populi,  nempe  quod  non  tantum  essent  corde  obstinato  et  praefracto,  sed  etiam  vultu  contumaci.  Duritiem  ergo  ponit  tam  in  corde  quam  in  facie.  Sunt  quidem  diversae  voces  Wp  et  >p?n:  et  duros  facie:  possumus  vertere  improbos,  vel  contumaces  (contumacia  enim  apparet  in  vultu)  neque  etiam  male  conveniet  vertere  impudentes.  Sed  tenenda  est  vocis  proprietas:  robustos  autem  corde  dicere  licebit  praefractos.  Vel  si  magis  placeat  allusio,  ita  reddemus,  praefractos  facie  (sicuti  perfrictae  frontis  vocantur  improbi)  deinde  praefractos  corde.  Summa  est,  Iudaeos  non  tantum  fuisse  immorigeros  Deo,  et  refertos  superbo