35:67  67  SERMON  CXXIV  68  II  est  vrai  que  ce  passage  ici  est  expose  diversement.  Aucuns  entendent  que  Dieu  parlera  une  fois,  c'est  a  dire  qu'il  dira  le  mot,  et  qu'il  se  faut  la  arrester:  et  que  deux  viendront  a  l'opposite,  et  qu'il  ne  ]es  daignera  pas  regarder.  Et  ainsi  qu'il  ne  faut  point  que  les  hommes  pensent  retracter  le  conseil  de  Dieu;  car  il  demeurera  tousiours  en  son  entier.  Cela  est  vrai:  mais  quant  au  propos  d'Eliu,  i'ai  desia  dit  qu'il  nous  faut  continuer  ce  que  nous  avons  veu  au  sermon  prochain,  Que  Dieu  ne  rendra  point  conte  de  toutes  ses  paroles.  Ainsi  il  lui  attribue  une  liberte,  qu'il  parle  et  dise  ce  qu'il  voudra,  voire  tellement  que  les  hommes  n'y  pourront  mordre.  Il  y  en  a  aussi  qui  rapportent  ceci  a  ce  qu'Eliu  adiouste,  Que  Dieu  parle  aux  hommes  en  visions  de  nuict,  quand  le  sommeil  les  trouble:  et  qu'il  parle  aussi  par  chastimens.  Il  leur  semble  que  voila  deux  facons  de  parler  dont  Dieu  use  envers  nous:  quelquefois  qu'il  se  revele  par  inspirations,  quelquefois  aussi  qu'il  nous  touche  de  sa  main.  Mais  cela  est  mal  a  propos,  et  est  un  sens  contraint.  Au  reste  il  ne  faut  point  nous  amuser  beaucoup  a.  cercher  diversite  d'expositions,  quand  le  sens  naturel  nous  est  manifeste.  Suivons  donc  ce  que  desia  nous  avons  declare:  c'est,  Que  Dieu  parlera  une  fois  et  deux,  voire  sans  qu'il  soit  entendu.  Desia  nous  savons  qu'Eliu  veut  dire:  il  reste  d'appliquer  ceci  a  nostre  instruction.  Et  comment?  Qu'en  premier  lieu  nous  cognoissions  nostre  petitesse.  Car  qui  est  cause  que  les  hommes  ont  ceste  folle  outrecuidance  en  eux,  de  vouloir  cercher  et  esplucher  tellement  que  rien  ne  leur  eschappe,  sinon  qu'il  leur  semble  qu'ils  sont  bien  suffisans  de  s'enquerir  de  ceci  et  de  cela?  Mais  quand  l'homme  aura  este  bien  matte,  en  sorte  qu'il  ne  s'attribue  rien,  ii  n'y  aura  plus  ceste  fierte  et  hautesse,  pour  cercher  par  trop  les  secrets  de  Dieu  et  outre  sa  mesure.  Ainsi  donc  pour  bien  faire  nostre  profit  de  ce  passage,  en  premier  lieu  humilions  nous,  voire  sachans  que  nostre  esprit  est  bien  petit  et  bien  rude.  Voila  pour  un  Item.  Or  de  l'autre  coste  cognoissons  aussi,  que  c'est  un  terrible  abysme  que  des  secrets  iugemens  de  Dieu,  que  ses  voyes  sont  incomprehensibles,  qu'il  n'est  point  licite  aux  hommes  de  les  sonder  par  trop,  mais  qu'il  nous  faut  contenter  de  ce  qu'il  nous  en  declare.  Voila  donc  pour  le  second  ce  que  nous  avons  a  observer:  c'est  quand  nous  pensons  a  la  hautesse  de  Dieu,  que  nous  soyons  ravis  pour  l'adorer,  et  que  nous  concluyons,  qu'il  ne  faut  pas  presumer,  que  nous  puissions  cognoistre  et  comprendre  tout  ce  qui  est  en  lui.  Ou  seroit-ce  aller?  Nous  rampons  ici  sur  la  terre,  et  nous  savons  de  combien  il  surmonte  les  cieux.  Puis  qu'ainsi  est  donc,  que  nous  adorions  ses  secrets  iugemens,  voire