33:67  67  SERMON  IV  68  il  y  a  le  principal,  que  nous  rapportions  le  tout  a  Dieu,  sachans  que  nous  sommes  siens,  et  que  c'est  raison  que  nostre  vie,  et  nostre  mort  luy  soit  offerte  en  sacrifice,  que  nous  l'adorions,  que  nous  luy  facions  hommage  de  ce  qu'il  nous  a  mis  entre  les  mains,  que  nous  protestons  qu'il  doit  avoir  toute  superiorite  sur  nous,  que  par  prieres  et  requestes  nous  confessions  cela,  que  nous  declarions  que  c'est  de  luy  que  nous  tenons  tout.  Voila  donc  le  tesmoignage  qu'il  nous  faut  rendre  de  nostre  integrite  qui  est  cachee  dedans  le  coeur,  comme  une  racine  sera  cachee  sous  terre.  Or  cependant  si  est-ce  que  nous  ne  pouvons  pas  cheminer  comme  il  faut  selon  Dieu,  que  nous  ne  nous  retirions  du  mal.  Cela  est  aussi  bien  attribue  a  Iob,  et  sous  sa  personne  nous  avons  un  advertissement,  que  iamais  nous  ne  servirons  a  Dieu  sans  difficultez  grandes,  que  le  diable  suscitera  beaucoup  d'empeschemens  :  que  si  nous  voulons  tenir  le  droit  chemin,  il  nous  faudra  sauter  par  dessus  des  fossez,  il  nous  faudra  eniamber  par  dessus  des  pierres,  marcher  entre  les  espines.  Voila  donc  beaucoup  de  troubles  qui  nous  seront  mis  au  devant  pour  nous  divertir  que  nous  ne  cheminions  comme  Dieu  l'ordonne,  mesmes  pour  nous  desbaucher  du  tout.  Mais  quoy?  apprenons  de  pratiquer  ceste  lecon,  que  Iob  s'estant  retire  du  mal,  a  servi  a  Dieu.  Ainsi  donc  quand  nous  verrons  tout  le  monde  estre  corrompu,  que  nous  serons  comme  entre  les  espines,  que  nous  ne  verrons  que  mauvais  exemples,  que  nous  resistions  a  tout  cela.  Pourquoy?  Si  nous  sommes  si  lasches  de  prendre  excuse,  ��que  d'autant  que  le  monde  est  malin  et  pervers,  nous  pouvons  bien  ressembler  aux  autres,  cela  est  trop  frivole.  Car  voici  Iob  qui  nous  est  propose  pour  condamnation,  car  si  celuy  la  s'est  retire  du  mal,  auiourd'hui  ne  devons  nous  point  faire  le  semblable?  Sur  tout  quand  Dieu  nous  advertit,  que  nous  ne  pouvons  point  vivre  sainctement  sans  grands  combats,  sans  grandes  difficultez?  Mais  quoi?  il  nous  fait  la  grace  de  surmonter  tous  les  assauts  que  Satan  nous  dresse,  tellement  qu'il  n'y  a  point  d'excuse  pour  nous,  si  nous  ne  faisons  comme  Iob  a  fait:  car  il  n'a  pas  vescu  en  un  temps  la  ou  tout  fust  bien  regle,  que  les  hommes  fussent  comme  des  Anges.  Nenni  nenni:  Iob  a  este  entre  des  Idolatres,  il  y  a  eu  beaucoup  d'iniquitez,  qui  ont  regne  de  ce  temps-la,  il  y  avoit  beaucoup  de  vices  au  monde  aussi  bien  qu'auiourd'hui:  mais  si  est-ce  que  Iob  n'a  pas  hurle  avec  les  loups  (comme  on  dit)  il  s'est  recueilli  a  soi  sachant  bien  qu'il  avoit  a  servir  a  Dieu.  Ainsi  donc  auiourd'hui  n'allegons  point  la  corruption  de  nostre  temps,  et  que  tout  est  perverti,  mais  plustost  cognoissons  que  Dieu  nous  sollicite  par  ce  moyen-la,  a  estre  tant  plus  soigneux  de  nous  destourner  de  ce  qui  nous  pourroit  insecter.  Quand  nous  voyons  les  vices