31:67  67  PSALMUS  V.  68  .alludere,  quae  in  templo  quotidie  sacrificiis  coniungi  solebant  ex  legis  praescripto:  non  tamen  dubito  quin  longioris  morae  taedio  compulsus,  salutem  suam  accelerari  cupiat:  ac  si  dixisset:  Simulatque  expergiscar,  haec  prima  futura  est  mea  cogitatio.  Tu  itaque  Domine  opem  qua  indigeo,  ne  longius  differas:  sed  mox  respondeas  votis  meis.  Disponere  Deo  tantundem  valere  interpretor,  ac  recta  se  ad  eum  applicare.  Plerique,  quasi  ecliptica  esset  loquutio,  subaudiunt  orationem.  Sed  potius  (meo  iudicio)  testari  voluit  David  se  minime  flecti  huc  vel  illuc,  ac  distrahi,  sed  hunc  ordinem  sibi  esse  statutum  ut  ad  Deum  confugiat.  Est  autem  tacita  antithesis  inter  vagos  et  erroneos  eorum  discursus  qui  ad  mundi  auxilia  circumspiciunt,  vel  pendent  ex  suis  consiliis,  et  rectum  fidei  ductum:  quo  fit  ut  pii  omnes  a  vanis  illecebris  retracti,  se  ad  unum  Deum  convertant.  Nam  "pp  Hebraeis  ordinare  vel  disponere,  interdum  comparare  vel  aptare  significat.  Optime  autem  convenit  sensus  quod  profiteatur  David  se  minime  distractum  iri  per  flexuosos  circuitus,  sed  recta  se  ad  Deum  venturum.  Speculandi  verbo  tam  spem  et  patientiam,  quam  sollicitudinem  designat.  Nam  quum  p]SI  apud  Hebraeos  tam  exspectare  quam  aspicere  significet,  non  dubito  quin  dicere  velit  David,  postquam  suas  curas  in  Dei  sinum  deposuerit,  se  suspenso  animo  quasi  in  excubiis  fore,  donec  re  ipsa  pateat  fuisse  a  Deo  exauditum.  Etsi  autem  desiderio  semper  inquietudo  aliqua  subest:  qui  tamen  speculatur,  quam  expetit  Dei  gratiam,  patienter  eam  exspectat.  Docet  itaque  hic  locus  frivolas  esse  preces,  quibus  non  est  spes  annexa,  quae  mentes  velut  in  speculam  evehat.  5.  Quia  non  Deus  volens  impietatem  tu:  non  habitabit  tecum  malum.  6.  Non  stabunt  insani  coram  oculis  tuis:  odisti  omnes  qui  iniquitatem  perpetrant.  7.  Perdes  qui  loquuntur  mendacium:  virum  sanguinarium  et  dolosum  abominabitur  Iehova.  Hic  sibi  David  ex  hostium  malitia  et  pravitate  conciliat  Dei  favorem.  Est  quidem  velut  abrupta  oratio,  ut  sancti  precando  saepe  balbutiunt:  verum  haec  balbuties  Deo  gratior  est  quam  omnes  quantumvis  nitidae  ac  splendidae  rhetorum  figurae.  Porro  ad  hunc  scopum  tendit  David,  quum  ad  summum  crudelitatis  et  perfidiae  venerint  hostes  sui,  fieri  non  posse  quin  eos  mature  Deus  compescat.  Ratiocinatur  autem  ab  ipsius  Dei  natura,  nam  quum  illi  placeat  iustitia  et  rectitudo,  inde  colligit,  de  improbis  et  sceleratis  omnibus  vindictam  sumpturum.  Qui  enim  fieri  potest  ut  impune  effugiant  eius  manum,  quandoquidem  iudex  est  mundi?  Locus  notatu  apprime  dignus.  Scimus  enim  quantopere  nos  consternet  effraenis  impiorum  protervia,  nam  quia  Deus  non  statim  eam  cohibet,  vel  stupemus  atto-