28:67  67  SERMON  CXXX.  68  leur  donne,  quand  il  les  choisit  ainsi  a  soy:  ouy,  et  choisit  quant  et  quant  leurs  enfans,  encores  qu'ils  ne  soyent  point  engendrez.  Mais  le  principal  est,  que  nous  apprenions  d'estre  enfans  legitimes  d'Abraham,  puis  qu'ainsi  est  que  nous  sommes  entez  en  son  lignage  par  foy  :  que  nous  ne  soyons  point  retranchez  de  ce  corps-la  par  nostre  infidelite.  Car  les  Prophetes  qui  ont  este  vrais  expositeurs  de  la  Loy,  monstrent  bien  be  que  Dieu  pretend  en  ce  passage,  quand  ils  disent  :  Bstes-vous  descendus  de  la  race  d'Abraham?  Nenni,  vous  estes  fils  de  putain  tant  que  vous  estes.  Allez  fils  de  paillarde.  Oomparoissez  ici,  venez  en  avant,  qu'on  vous  cognoisse,  fils  de  putain  (dit  le  Prophete  Isaie).  Et  les  Prophetes  Ieremie  et  Ezechiel  en  disent  autant:  Qu'est-ce  que  vous  avez  de  commun  avec  Abraham,  duquel  vous  portez  le  nom?  Vostre  pere  n'est-il  point  Amorrheen,  et  vostre  mere  une  paillarde?  A  qui  parlent-ils?  Est-ce  aux  fils  de  putains,  et  aux  bastards  selon  la  chair?  Nenni.  C'est  aux  enfans  legitimes.  Et  pourquoy  donc  les  appelle-il  fils  de  putain,  comme  s'ils  estoyent  sortis  d'un  bourdeau?  C'est  pource  qu'ils  se  sont  pervertis,  et  qu'ils  n'ont  point  ensuyvi  la  foy  d'Abraham.  Car  le  vray  parentage  est  spirituel  (comme  dit  Paul)  que  tous  ceux  qui  sont  descendus  de  la  lignee  d'Abraham  selon  la  chair,  ne  sont  point  reputez  son  lignage  pourtant.  La  raison?  C'est  qu'ils  se  sont  abastardis.  Ainsi  donc  notons,  quand  Moyse  a  defendu  que  les  bastards  n'entrassent  point  au  temple  :  que  ce  n'estoit  pas  seulement  pour  ceste  note  et  ceste  ignominie  qui  est  selon  le  monde,  quand  les  enfans  ne  sont  point  procreez  de  mariage  legitime:  c'estoit  plustost  pour  monstrer  que  les  Iuifs  n'estoyent  pas  dignes  d'avoir  accez  pour  sacrifier  a  Dieu,  pour  invoquer  son  nom,  pour  estre  meslez  parmi  son  Eglise,  sinon  qu'ils  se  maintinssent  au  parentage  spirituel  d'Abraham,  c'est  a  dire,  qu'ils  ensuyvissent  sa  foy,  qu'ils  persistassent  en  la  pure  alliance  de  Dieu.  Or  cela  ne  se  pouvoit  faire,  sinon  que  tousiours  ils  cogneussent  que  Dieu  les  avoit  choisis  pour  estre  un  peuple  sainct,  pour  estre  une  sacrificature  royale.  De  nostre  coste  maintenant  notons,  combien  que  nous  fussions  du  tout  estranges  de  Dieu,  que  nous  n'eussions  nul  accez  en  son  temple:  et  (comme  dit  S.  *Paul)  que  nous  n'eussions  nulle  alliance  avec  luy,  pource  que  les  promesses  ne  s'estoyent  point  adressees  a  nous,  que  toutesfois  nous  sommes  faits  domestiques  des  saincts  Peres  en  la  foy,  citoyens  du  royaume  de  paradis,  que  Dieu  nous  a  communique  ceste  bourgeoisie  qu'il  avoit  donnee  seulement  a  la  lignee  d'Abraham.  Puis  qu'ainsi  est,  qu'outre  nature  nous  avons  este  entez  au  bon  olivier,  nous  qui  n'estions  que  sauvageons  et  arbres  steriles:  advisons  de  bien  user  d'un  tel  benefice  et  si  excellent,  et  que  nous