26:67  67  SERMON  XVI.  68  Car  il  n'y  ha  rien  qui  luy  soit  plus  propre,  que  de  pardonner  les  pechez:  il  se  reserve  aussi  cela,  de  convertir  les  coeurs.  Or  cependant  si  est-ce  qu'il  communique  tous  ces  tiltres  a  ceux  qu'il  constitue  pour  porter  sa  parolle,  leur  declarant  qu'il  ne  se  separe  point  d'avec  eux;  mais  plustost  monstre  qu'il  en  use  comme  de  ses  mains,  et  de  ses  instrumens.  Et  ne  faut  pas  qu'ici  on  s'amuse  a  ce  qu'on  voit:  mais  qu'on  esleve  les  yeux  de  la  foy  en  haut.  Nous  voyons  donc  quelle  reigle  nous  devons  tirer  de  ce  passage,  quand  Moyse  dit,  qu'il  a  donne  la  terre  en  possession.  C'est  qu'il  ne  traitte  point  de  sa  personne  pour  se  faire  valoir:  mais  seulement  il  declare  qu'en  l'authorite  de  Dieu,  selon  la  charge  qui  luy  estoit  commise,  il  a  mis  en  possession  de  ces  deux  royaumes,  tant  la  lignee  de  Gad,  et  de  Ruben,  que  la  moitie  de  celle  de  Manasse.  Or  afin  que  l'utilite  de  ceste  doctrine  soit  mieux  cogneue:  notons  en  un  mot,  qu'elle  nous  exprime  la  vertu  qui  est  en  la  parolle  de  Dieu,  que  ce  n'est  point  un  son  vollant,  mais  qu'il  y  ha  execution  preste.  Comme  nous  voyons  que  les  Prophetes,  quand  ils  menacent,  ils  disent,  qu'ils  ont  assiege  la  ville  de  Ierusalem,  qu'ils  l'ont  combattue.  Et  comment  cela?  par  songes,  et  par  visions.  Il  semble  que  ce  soit  une  mocquerie  cela:  voire-mais  on  appercoit  en  la  fin  que  ils  n'ont  pas  seulement  remue  la  langue:  mais  que  s'ils  eussent  eu  grosse  armee,  ils  n'eussent  pas  eu  plus  grand  moyen  ni  pouvoir  de  raser  la  ville  de  Ierusalem.  Car  comment  est-ce  que  les  ennemis  en  sont  venus  a  bout?  en  vertu  des  Propheties.  Ainsi  a  l'opposite,  quand  ils  parlent  de  faire  prosperer  un  peuple:  il  n'est  question  que  de  surmonter  tous  empeschemens,  d'avoir  victoire  eontre  leurs  ennemis.  Et  comment  cela?  Pource  que  la  parolle  de  Dieu  n'est  point  frivole.  Et  ainsi  donc  cognoissons  que  c'est  a  nostre  grand  profit  qu'il  nous  est  monstre,  quand  les  ministres  de  Dieu  parlent,  qu'ils  ne  iettent  point  un  son  vollage,  mais  que  l'execution  y  est  adioustee  :  voire,  et  que  nostre  salut  soit  edifie  d'autant:  quand  nous  savons  que  la  remission  de  nos  pechez  ne  nous  est  pas  iournellement  preschee  en  vain,  cela  nous  doit  asseurer.  Venons-nous  au  sermon?  la  grace  de  Dieu  nous  est-elle  presentee?  nous  est-il  monstre  comme  Iesus  Christ  a  satisfait  pour  nous,  afin  de  nous  retirer  de  la  malediction  en  laquelle  nous  estions?  quand  tout  cela  nous  est  certifie,  c'est  autant  comme  si  la  chose  nous  estoit  presente.  La  raison?  Quand  Dieu  envoye  des  messagers  pour  nous  annoncer  sa  volonte,  il  donne  quant  et  quant  une  vertu  telle,  que  l'effect  est  conioint  avec  la  parolle.  Et  aussi,  quand  nous  sommes  menacez,  sachons  que  la  vengeance  est  toute  appareillee,  comme  dit  8.  Paul.  Ne  pensons  point  que  ce  soit  ieu  ne  mocquerie,  quand  on  nous  parle  de  la  malediction  et