22:67  67  INSTRUCTION  ET  CONFESSION  DE  FOY.  68  graces  spirituelles,  estans  gouvernez  par  sa  conduite,  105)  demeurions  invincibles  par  dessus  le  diable,  la  mort  et  toutes  les  munitions  denier,  ce  qui  est  estre  delivre  du  malin.  Or  il  est  a  noter  comment  le  Seigneur  veult  que  noz  oraisons  soyent  compassees  a  la  reigle  de  charite,  veu  quil  ne  nous  enseigne  point  de  demander  un  chascun  pour  soy  ce  qui  luy  est  bon,  sans  avoir  esgard  a  noz  prochains,  mais  nous  instruit  davoir  solicitude  du  bien  de  nostre  frere  comme  du  nostre.  De  la  perseverance  en  orayson.  Finalement  il  nous  fault  bien  observer  cecy,  cest  que  nous  ne  vueillons  lier  Dieu  a  certaines  circonstances,  comme  mesmes  en  ceste  oraison  nous  sommes  enseignez  de  ne  luy  mectre  aucune  loy,  ne  imposer  quelque  condition.  Car  premier  que  luy  faire  aucune  priere  pour  nous  avant  toutes  choses  nous  disons:  Que  sa  volunte  soit  faicte:  ou  desia  nous  sousmectons  nostre  volunte  a  la  siene,  affin  que  comme  par  une  bride  estant  arrestee  et  retenue  elle  ne  presume  de  le  vouloir  renger  et  assubiectir  soubz  soy.106)  Si  ayans  les  cueurs  formez  en  ceste  obeissance  nous  permectons  que  soyons  gouvernez  au  bon  plaisir  de  la  providence  divine,  bellement  nous  apprendrons  de  perseverer  en  oraison  et  dactendre  en  pacience  le  Seigneur,  en  differant  noz  desirs  a  lheure  de  sa  volunte:107)  estans  asseurez  que,  encores  quil  ne  nous  apparoisse  point,  toutesfois  il  nous  est  tousiours  present,  et  que  en  son  temps  il  declarera  quil  naura  aucunement  eu  les  aureilles  sourdes  a  noz  prieres,  comment  quelles  semblassent  aux  hommes  estre  de  luy  mesprisees.  Et  si  en  la  fin  mesmes  apres  longue  actente  nostre  sens  ne  peult  comprendre  que  ce  sera  que  nous  aurons  proffite  par  prier  et  nen  sente  point  aucun  fruict,  ce  neantmoins  nostre  foy  nous  certifiera  ce  que  nostre  sens  ne  pourra  appercevoir,  cest  que  nous  aurons  obtenu  tout  ce  qui  nous  estoit  expediant,  et  ainsi  fera  que  nous  possedions  en  pauvrete  abondance,  en  affliction  consolation.  Car  encores  que  toutes  choses  nous  defaillent,  toutesfois  iamais  Dieu  ne  nous  delairra,  dautant  quil  ne  peult  point  frustrer  lactente  et  pacience  des  siens.  Et  il  nous  sera  seul  assez  pour  toutes  choses,  dautant  quen  soy  il  contient  tous  biens,  lesquelz  au  temps  advenir  il  nous  revelera  plainement.  105)  eius  protectione  muniti.  106)  quo  velut  fraeno  iniecto  coercita  Deum  in  ordinem  cogere  ne  praesumat.  107)  a  iheure  de  sa  yolunte  oml