21:67  67  VIE  DE  CALVIN  68  la  parole  de  Dieu  a  leurs  erreurs  et  determinations  magistrales,  ll  recueillit  aussi  en  ceste  mesme  annee  pour  l'usage  de  l'Eglise  de  Geneve,  la  forme  des  prieres  Ecclesiastiques,  avec  la  maniere  d'administrer  les  Sacremens  et  celebrer  le  Mariage,  et  un  advertissement  de  la  visitation  des  malades:  comme  auiourd'huy  le  tout  se  met  avec  les  Pseaumes,  accompagne  d'une  belle  preface  faite  par  luy-mesme,  ou  il  est  parle  de  l'usage  de  chanter  en  l'assemblee  publique  de  l'Eglise.  Il  mit  semblablement  en  lumiere  un  livre  qu'il  dedia  a  M.  Philippes  Melanchthon,  l'ayant  compose  en  peu  de  iours  pour  maintenir  la  pure  doctrine  de  l'Escriture  a.  l'encontre  des  calomnies  d'un  qui  estoit  estime  estre  des  plus  gcands  supposts  de  la  Papaute:  assavoir  Albert  Pighius,  qui  faisoit  rage  1)  de  soustenir  le  Francarbitre  des  hommes.  L'an  1544,  il  composa  un  traitte  De  la  necessite  de  reformer  l'Eglise,  faict  par  forme  de  supplication  a  l'Empereur  Charles  cinquieme,  ensemble  aux  Princes  et  Estats  de  l'Empire,  assemblez  lors  en  la  ville  de  Spire.  Aussi,  pource  que  le  pape  Paul  3.  s'estoit  aigri  par  une  epistre,  et  avoit  iette  son  venin  contre  l'Empereur,  de  ce  que  voulant  tenir  les  Allemagnes  en  paix  durant  la  guerre  entre  luy  et  le  Roy  de  France,  il  avoit  ordonne  a  Spire  que  cependant  les  Protestans  demeureroyent  en  leur  estat,  et  qu'on  n'innoveroit  rien  contre  eux:  mais  qu'a  la  premiere  commodite  il  feroit  tenir  un  Concile  pour  resoudre  des  affaires  de  la  Religion:  Calvin  composa  certaines  Annotations  sur  l'advertissement  paternel  du  Pape  a  l'Empereur,  esquelles  il  monstre  le  grand  zele  du  Pape,  et  comment  il  ne  demande  que  confusions  contraires  a  la  parole  de  Dieu  et  d'oster  toute  bonne  tranquillite  d'entre  les  hommes,  mesprisant  l'autorite  que  Dieu  donne  au  Magistrat,  et  laissant  cependant  Rome  estre  tousiours  Rome,  et  sa  cour  Apostolique  plongee  en  tout  desbordement  de  vices.  La  mesme  annee,  il  escrivit  en  Francois  contre  les  Anabaptistes  et  Libertins,  lesquels  livres  depuis  ont  este  traduits  en  Latin  par  M.  Nicolas  des  Gallars.  L'an  1545,  il  fit  un  traitte  comment  l'homme  fidele  se  doit  gouverner  entre  les  Papistes,  sans  communiquer  a  leurs  superstitions:  auquel  est  adioustee  une  excuse  [c  5]  contre  les  repliques  de  ceux  qui  se  couvroyent  faussement  du  titre  d'estre  Nicodemites,  et  l'advis  de  M.  Philippe  Melanchthon,  Martin  Bucer  et  Pierre  Martyr:  item  deux  epistres  dudit  Calvin  escrites  l'an  1546,  et  l'advis  des  Ministres  de  l'Eglise  de  Zurich  sus  ceste  matiere,  faict  l'an  1549.  Ce  livre-la  esmeut  beaucoup  de  gens  en  France,  qui  auparavant  estoyant  endormis  es  idolatries.  Au  reste  Calvin  traduisit  aussi  en  Latin  son  Catechisme;  afin  que  les  autres  Eglises  qui  n'ont  la  cognoissance  de  la  1)  effort  F.