9:669  669  AD  QUAESTIONES  IUDAEI.  670  Nos  vero  libere  profitemur  quod  dictat  ipsa  pietas,  non  modo  agnum  paschalem  fuisse  Christi  figuram,  sed  et  omnia  sacrificia:  quia  nimis  crasse  somniant  Deum  adipis  foetore,  vel  aspersione  sanguinis,  vel  pecudum  caede  placatum  fuisse  hominibus,  et  talibus  piaculis  purgata  fuisse  peccata.  Ergo  in  toto  legali  cultu  aliquid  praestantius  adumbravit  Deus.  Sed  hinc  plus  quam  stolide  colligunt,  plures  nobis  reperiendus  Christos.  Nam  ut  scirent  patres  sub  lege  nondum  se  stare  in  perfecto  gradu,  voluit  Deus  in  quaerenda  reconciliatione  ad  eadem  illos  remedia  confugere.  Si  ad  expiationem  efficax  fuisset  bovis  aut  vituli  immolatio,  satis  fuisset  uno  tantum  sacrificio  defungi.  Sed  repetitio  admonuit,  in  figuris  illis  nihil  esse  perfectum.  Eadem  ratione  dicimus  sacerdotes  omnes  gestasse  Christi  personam  :  ideoque  plures  fuisse,  quia  mors  honore  singulos  privabat.  Christus  autem,  qui  ideo  resurrexit  a  mortuis,  ut  perpetuo  sacerdotio  fungatur,  unicus  est.  Ne  longior  sim  in  re  plus  quam  facili,  apud  sanos  omnes  fateri  licebit,  regnum  quod  erexit  Deus  in  familia  Davidis,  ab  ipso  usque  ad  omnes  eius  successores,  futuri  Messiae  fuisse  praeludium.  Nemo  tamen  usque  adeo  desipiet,  ut  nobis  propterea  exprobret  plures  esse  Christos.  XVI.  IUDAEUS.  Quaere:  Accipite  hunc  panem,  hoc  est  corpus  meum:  et  hoc  vinum  est  sanguis  meus  pro  novo  foedere,  quomodo  factum  est  hoc?  Aut  fregit  frustum  carnis  suae,  et  dedit  illis:  aut  eius  corpus  f  actum  est  ex  pane  et  vino,  deditque  illis  ex  reliquiis,  et  hoc  est  corpus  quod  comederunt  et  biberunt  CALVINUS.  Quaere  vicissim,  quando  invitat  Deus  omnes  per  Isaiam  (55,  1),  ut  gratis  ad  satietatem  bibant  lac  et  vinum,  et  mel  comedant,  an  lacte  vel  melle  corruptibili  saginare  tantum  vult  suorum  ventres?  Quaere  item,  quando  in  Psalmo  (36,  9.  10)  dicitur:  Satiabis  eos  copia  domus  tuae,  et  fluvio  delitiarum  tuarum  potabis  eos,  an  coelestem  vitam  propheta  alimentis  sustineri  intelligat?  Quaestionis  solutio  ex  pura  et  dextra  verborum  Domini  interpretatione  pendet,  quae  si  crasso  commento  sub  papatu  fuerunt  corrupta,  non  est  cur  propter  hominum  inscitiam  rectae  fidei  insultent  istae  bestiae.  Christus  certe  neque  frustulatim  secuit  corpus  suum,  neque  illud  ex  pane  et  vino  conflavit:  sed  tamen  spirituali  modo  vescendum  dedit  apostolis,  sicuti  quotidie  arcana  spiritus  sui  virtute