49:669  669  SUR  L'EPITRE  AUX  CORINTHIENS.  670  table,  que  nous  soyons  tous  d'un  mesme  courage,  qu'il  n'y  ait  ne  haines  ne  rancunes  entre  nous,  mais  que  nous  soyons  conioints  et  unis  en  droite  fraternite  les  uns  avec  les  autres.  Au  reste  il  conferme  encores  son  propos  par  ce  qu'il  adiouste  des  sacrifices  anciens  de  la  Loy.  Begardeg  Israel  selon  la  chair  (dit-il),  ceux  qui  mangent  des  sacrifices,  ne  sont-ils  point  participans  de  V  autel?  Il  est  vray  que  sous  la  Loy  il  y  a  eu  une  mesme  fin  et  usage  des  Sacremens  que  nous  avons  auiourd'huy.  Car  les  sacrifices  qu'on  offroit  des  ce  temps  la,  ont  figure  nostre  Seigneur  Iesus  Christ,  mais  ce  ne  pas  este  avec  une  telle  clarte,  perfection  ni  vertu,  comme  nous  l'avons  en  l'Evangile.  Car  il  nous  faut  retenir  ce  que  dit  sainct  Paul  aux  Colossiens,  que  c'estoyent  ombrages  de  nostre  Seigneur  Iesus  Christ,  cependant  qu'il  estoit  absent  et  comme  eslongne  encores  du  monde.  Auiourd'huy  nous  avons  le  corps  et  la  substance:  et  aussi  en  nos  Sacremens  nous  avons  une  declaration  beaucoup  plus  parfaite  que  les  Peres  n'ont  pas  eu  sous  la  Loy.  Tant  y  a  neantmoins  que  sous  la  Loy,  ceux  qui  mangeoyent  des  sacrifices  estoyent  participans  de  l'autel:  c'est  a  dire  de  ce  service  spirituel  de  Dieu  qui  en  dependoit.  Et  nous  voyons  aussi  qu'il  n'estoit  point  licite  a  tous  de  manger  des  sacrifices:  mais  il  faloit  estre  prepare,  il  faloit  qu'on  se  purifiast.  Et  pourquoy?  D'autant  qu'on  approchoit  de  Dieu,  il  faloit  qu'il  y  eust  comme  une  protestation  solennelle,  pour  dire,  Nous  sommes  du  corps  de  l'Eglise:  et  aussi  on  rece  voi  t  un  tesmoignage  du  coste  de  Dieu,  qu'on  estoit  de  sa  maison,  et  de  ses  domestiques,  et  mesmes  du  corps  de  son  Fils  unique.  Il  est  vray  que  cela  estoit  obscur  encores  :  mais  la  fin  des  sacrifices  leur  estoit  declare  par  les  Levites  et  Prophetes.  Si  du  temps  de  la  Loy,  il  n'y  avoit  que  des  figures  et  ombrages,  cela  neantmoins  a  desia  eu  lieu,  que  quand  on  mangeoit  des  sacrifices  on  estoit  participant  de  l'autel,  et  on  estoit  sanctifie  :  et  que  sera  ce  auiourd'huy  quand  Dieu  a  desploye  les  thresors  infinis  de  sa  bonte,  qu'il  s'est  approche  de  nous  beaucoup  plus  priveement  en  la  personne  de  son  Fils  unique,  et  nostre  Seigneur  Iesus  Christ  se  presente  la  a  nous,  comme  s'il  se  bailloit  de  sa  propre  main?  Quand  donc  nous  sommes  venus  a  une  telle  perfection,  et  que  Dieu  nous  a  ainsi  assemblez  et  unis  a  soy,  faut-il  que  nous  allions  nous  vautrer  parmi  les  ordures  et  les  fanges  des  incredules:  et  que  nous  profanions,  entant  qu'en  nous  est,  tout  ce  que