8:668  facit.  Si  enim  credis,  hunc  esse  filium  Dei,  mundi  salvatorem,  iam  credis  mundum  in  peccato  esse  constitutum,  unde  salvari  indigeat:  quum  item  dicatur  ipse  redemptionem  facere  credentium  prius  captivorum.  Non  est,  quod  aliam  hic  in  paedobaptismo,  aliam  ibi  in  coena,  et  alibi  aliam  fidem  tu  tibi  dissimilem  pingas.  Nam  ipse  est  filius  Dei,  rex  coelestis,  qui  sibi  credentes  ad  coelestia  regenerat,  et  coelesti  cibo  pascit.  Una  est  omnium  fides,  unum  caput,  una  fundamenti  petra,  qua  creditur  Iesus  ille  esse  verus  filius  Dei  salvator,  et  id  credendo  eius  in  nobis  virtus  cognoscitur.  Haec  una  fides  et  in  baptismo  requiritur,  et  in  coena  requiritur,  et  in  reliquis  omnibus  Christianorum  actibus  semper  requiritur,  et  ex  ea  sequuntur  omnia.  At  tu  satis  tibi  fecisse  videris,  si  per  communicationem  illam  idiomatum  sophisticam  concedas,  hunc  hominem  esse  filium  Dei:  alioqui  non  esse  vere  filium.  Sophistica  ergo  est  fides  tua,  sicut  sophistica  est  ratio  tua,  quod  hic  homo  dicatur  filius  Dei,  etl)  quod  sit  in  eo  filius  alius  inclusus:  quasi  nomine  sit  hic  filius,  non  re  ipsa.  Eo  magis,  quia  falsum  tu  supponis.  Falsum  est,  quod  fingis,  esse  filium  in  filio;  quum  non  filius  in  filio,  sed  pater  in  filio  vere  dicatur  1  Deus  in  Christo.  Novi  sane,  quod  tu  non  vere2)  credis,  hunc  hominem  esse  filium  Dei,  quia  non  vere  credis,  hunc  hominem  esse  genitum  de  substantia  Dei.  Sed  quis  te  daemon  communicationem  illam  [pag,  602]  idiomatum  Ua  de  charactere  bestiae  sumere  docuit?  Hocne  cavillo  dixit  coelestis  pater:  Hic  est  filius  meus?  Ecce  puer  meus?  Annon  vides,  communicationem  illam  rerum  invisibilium  sumptam  esse  de  Antichristi  doctrina,  in  qua  vigent  illusores,  tres  daemoniorum3)  spiritus?  Per  quam  conceditur,*)  Deum  in  asino  mori?  Ab  Antichristo  inventum  est  sophisma  illud,  ad  obliterandum  verum  filium  Dei.  Filius  Dei  ita  vobis  est  homo,  sicut  spiritus  sanctus  est  mulus.  Filius  Dei  ita  vobis  est  mortuus,  sicut  spiritus  sanctus  in  muto  moreretur,  aut  angelus  in  asino.  Hoc  adde,  quod  antequam  communicationem  Ulam  inducas,  ostendere  prius  debes,  esse  in  Deo  invisibilem  alium  ab  homine  filium.  Hoc  vero  nunquam  ostensurus  es.  Unum  hoc  item  cogita.  Esto  per  tropum  aliquem,  aut  sophisma  illud,  hic  homo  nominetur  filius  Dei,  quanquam  revera  non  sit  naturalis  filius  Dei:  est  saltem  naturalis  filius  'Mariae,  ut  habetur  Matth.  1  et  Lucae  1.  Ibi  enim  dicitur,  quod  Maria  peperit  filium  suum  primogenitum,  quem  vocavit  Iesum.  Si  ergo  hic  sine  tropo  est  verus  filius  Mariae,  et  ille  sine  tropo  est  verus  filius  Dei:  iam  sequitur,  duos  esse  sine  tropo  veros  filios,  in  unum  cumulum  unitos.  Papismi  schola  tota  nunc  docete  hunc  honii-  1)  eo.  2)  vere  om.  3)  daemonum.  4)  creditur  Deus  ete.