7:668  Isidorus,  Thomas  Aquinas,  Bonifacius  papa,  Nicolaus,  et  similes.  Quid  ni?  Quum  ex  emptitiis  [pag.  194]  speculatoris  responsis  oracula  faciat.*)  Quis  tam  bene  instructo  athletae  victoriam  non  despondeat?  Ipse  vero,  non  expectato  aliorum  plausu  festivis  subinde  acclamationibus  triumphum  sibi  canit.  Atque  ut  Areopagum  suum  compleat,  Cochlaeum  etiam  illis  adiungit:  qui  quum  omnes  cochleas  hebetudine  superet,  quanto  scilicet  masculum  praestare  decet  foeminis,2)  vocatur  hic  sagacissimus  spirituum  discretor.  Digni  sane  ambo,  qui  mutuum  sibi  praeconium  commodent:  nam  par  morionum  ex  tota  Gallia  et  Germania  deligi  aptius  vix  poterat.  Quibus  autem  de  rebus  litigat  Cenalis?  Negat  ferendum  esse,  ut  ecclesiae  facultates  a  Protestantibus  retineantur.  Quid  ergo?  Vultne  legitimum  in  usum  conferri?  Imo  nec  pauperum  haberi  rationem,  nec  scholis  consuli  patitur.  Spoliatorum  modo  restitutionem  urget:  ut  sacerdotum  ac  monachorum  ventres  saginentur.  Quanto  itaque  subulcus  melior  fuisset,  quam  episcopus,  qui  tantam  porcorum  curam  habet?  Multa  transsilio  de  quibus  sine  adversario  contendit.  Tale  est,  quod  prohibet  legatum  mitti,  qui  veniam  abiurationis  faciat  Protestantibus.  Atqui,  per  omnes  bonos,  quibus  solis  infensus  est  Cenalis,  licebit  romano  legato  domi  quiescere.  Unum  est  caput  in  quo  impotenter  furit,  quum  tractat  de  sacerdotum  coniugio.  Postquam  enim  omnia  eloquentiae  suae  fulmina  vibravit,  hoc  est,  evomuit  quaecunque  ab  homine  protervo  et  insano  excogitari  poterant3)  convicia,  tandem  ad  arma  conclamat:  ut  sanguine  potius  operiatur  terra,  quam  ut  tantum  nefas,  sicuti  ipse  quidem  interpretatur,  aspiciat.  Sed  [pag.  195]  qui  fit  ut  sacerdotum  coniugia  tantopere  quasi  incestuosa,  sacrilega,  impura,  disdigama  et  obscoena  detestetur?  Respondet:  quia  iubemur  spiritu  ambulare,  ne  carnis  desideriis  obsequamur.  Atqui,  dictum  illud  Pauli  ad  Christianos  omnes  sine  exceptione  pertinet.  Videmus  ergo  ut  sanctum  coniugium  hic  canis  sacrilego  latratu  infamet.  Nam  si  caelibes  esse  nos  oportet  ut  spiritu  ambulemus,  quis  dubitet  profligandum  esse  ex  ecclesia  coniugium?  Hanc4)  quidem  blasphemiam  ex  Sirycio  papa  suo  didicit.  Sed  quae  tanta  ipsos  rabies  agit,  ut  palam  Montano,  Encratitis  et  Manichaeis  subscribant?  Exclamat  Cenalis,  magnam  esse  improbitatem,  magnum  flagitium,  immane  sacrilegium,  si  in  sacrarium  legum  divinarum  luxus  et  carnales  trahantur  1)  veu  qu'il  les  appelle  Oracles  comme  venuz  du  ciel.  2)  Gallus  haec  tantum  habet:  il  adiouste  aux  precedens  un  badin  du  tout  semblable  a  luy  nomme  Cochleus.  3)  dont  les  harangeres  se  pourroyent  adviser.  4)  Sequentia  usque  ad  finem  paragraphi  absunt  a  gallico  exemplari.