49:668  chiens,  et  chats  les  uns  envers  les  autres?  Nous  habitons  ici  bas  tous  ensemble,  afin  que  nous  ayons  une  vie  commune:  et  nous  n'avons  nulle  amitie  mutuelle:  c'est  signe  que  nous  n'avons  point  aime  Dieu:  car  il  est  certain  que  iamais  nous  n'aimerons  nos  prochains,  sinon  que  nous  ayons  aime  Dieu  auparavant:  car  la  vraye  charite  procede  de  ceste  source  la.  Il  est  vray  que  nous  pourrons  bien  avoir  des  amitiez  charnelles,  sans  aimer  Dieu:  comme  nous  le  voyons  aux  incredules  et  gens  de  ce  monde,  mais  la  vraye  charite  (comme  l'Escriture  l'approuve)  est  proprement  que  nous  aimions  Dieu:  car  c'est  de  luy  aussi  que  le  vray  lien  et  conionction  d'amitie  procede.  Que  si  nous  ne  l'aimons,  nous  ne  pourrons  iamais  avoir  amitie  avec  nos  prochains:  mais  tant  y  a  que  la  charite  que  nous  avons,  est  une  approbation  que  nous  aimons  Dieu:  et  lors  cela  se  cognoist  beaucoup  mieux.  Ainsi  en  est-il  de  ce  que  dit  ici  sainct  Paul.  La  Cene  (dit-il)  doit  avoir  ceste  vertu  quand  nous  y  communiquons  que  nous  soyons  faits  comme  un  pain  et  un  corps.  Ainsi  que  de  plusieurs  grains  de  ble,  il  y  aura  un  pain  faict,  nous  devons  estre  unis  ensemble,  comme  une  personne  et  l'Esprit  de  Dieu  nous  doit  tellement  gouverner,  qu'il  y  ait  et  dilection,  et  humanite  et  sollicitude,  et  tout  ce  qui  est  requis  a  une  droite  et  parfaite  amour.  Cela  doit  estre  en  la  Cene,  si  nous  en  usons  comme  nostre  Seigneur  Iesus  Christ  l'a  ordonne.  Puis  qu'ainsi  est  que  nous  sommes  conioints  les  uns  avec  les  autres,  par  plus  forte  raison  ne  sommes  nous  pas  conioints  avec  le  Fils  de  Dieu?  car  c'est  nostre  chef.  Voyla  par  quel  bout  il  nous  faut  commencer.  Nous  voyons  donc  maintenant  l'intention  de  sainct  Paul,  qui  est  de  ratifier  mieux  la  doctrine  qu'il  avoit  touchee  auparavant:  c'est  a  scavoir  que  quand  nous  usons  de  la  saincte  Cene,  il  faut  que  nous  soyons  incorporez  en  nostre  Seigneur  Iesus  Christ:  ce  qui  ne  se  peut  faire  que  nous  ne  soyons  separez  d'avec  les  pollutions  du  monde.  Or  cependant  nous  sommes  advertis  que  tous  ceux  qui  apportent  leurs  haines  et  rancunes,  quand  ils  recoyvent  la  Cene  de  nostre  Seigneur  Iesus  Christ,  sont  coulpables  d'avoir  aboli  ce  que  nostre  Seigneur  Iesus  Christ  nous  avoit  commande  et  mesmes  entant  qu'en  eux  est,  d'avoir  foulle  au  pied  sa  saincte  institution,  par  laquelle  il  nous  vouloit  unir  ensemble.  Quand  nous  communiquons  a  un  mesme  pain  et  a  un  mesme  vin,  nous  protestons  devant  Dieu  et  devant  ses  anges  que  nous  ne  sommes  qu'un  corps;  et  cependant  nous  serons  divisez  comme  chiens  et  chats  ainsi  que  i'ay  dit.  Et  n'est-ce  pas  nous  mocquer  de  Iesus  Christ  quand  nous  profanons  ainsi  un  tel  mystere  qu'il  nous  a  ordonne.  Il  est  bien  certain.  Pensons  donc  a  nous  et  toutes  fois  et  quantes  que  nous  devons  approcher  de  ceste  saincte