23:668  Puis  donc  que  nostre  ennemi  principal  est  le  diable,  et  puis  que  les  dards  et  les  giaives  et  tous  les  moyens  qu'il  a  de  nous  nuire,  sont  spirituels,  apprenons  d'invoquer  nostre  Dieu.  Oar  quelle  force  y  a-il  en  nous?  quelle  agilite?  Il  faut  donc  que  Dieu  bataille,  et  que  nous  soyons  la  tenus  quois,  que  nous  ayons  mesmes  comme  les  mains  liees:  non  pas  qu'il  iie  nous  faille  evertuer,  d'autant  qu'il  faut  que  les  fideles  combattent  vaillamment  contre  les  cupiditez  de  leur  chair:  mais  il  faut  que  la  vertu  vienne  d'enhaut,  qu'is  aneantissent  toute  opinion  de  leur  franc  arbitre  et  de  leur  force,  qui  est  l'yvrongnerie  de  la  Papaute,  quand  ils  s'eslevent  en  orgueil  a  l'encontre  de  Dieu.  Il  faut  (di-ie)  que  nous  cognoissions  que  nous  ne  pouvons  rien,  brief,  et  quant  au  corps  et  quant  a  l'ame.  Mais  puis  que  Dieu  a  pris  la  charge  de  nous  conduire,  que  nous  sachions  et  ayons  cela  tout  persuade,  qu'il  a  assez  de  vertu  pour  nous,  et  que  nous  ne  pouvons  rien  sans  luy,  et  que  nous  pouvons  tout  par  luy.  PEIEEE.  Or  nous  nous  prosternerons  devant  la  maieste  de  nostre  bon  Dieu  en  cognoissance  de  nos  fautes,  le  priant  que  de  plus  en  plus  il  nous  veuille  toucher  d'une  telle  repentance,  que  nous  gemissions  pour  obtenir  remission  de  toutes  nos  iniquitez,  lesquelles  [pag.  69]  nous  rendent  detteurs  envers  luy:  et  que  nous  le  cerchions  par  le  moyen  qu'il  nous  a  establi,  c'est  assavoir,  par  le  moyen  de  nostre  Seigneur  Iesus  Christ,  cognoissans,  puis  que  nous  sommes  reconciliez  par  sa  mort  et  passion,  que  Dieu  ne  laisse  pas  de  nous  accepter  pour  ses  enfans  bien  aimez,  combien  que  nous  soyons  povres  creatures  pleines  de  polution.  Et  au  reste,  que  par  son  sainct  Esprit  il  nous  fortifie  tellement,  que  nous  sentions  que  l'Empire  Souverain  n'a  pas  este  donne  en  vain  a  nostre  Seigneur  Iesus  Christ,  d'autant  qu'il  nous  a  enrichis  des  benedictions  spirituelles,  desquelles  selon  nostre  nature  nous  sommes  pleinement  desnuez.  Que  non  seulement  il  nous  face  ceste  grace,  mais  a  tous  peuples,  etc.  Fin.  TROISIEME  SERMON  DE  MELCHISEDEC,  AUQEL  EST  TRAITE  L'USAGE  ET  DROIT  DES  DECIMES,  ET  AUSSI  DU  IUREMENT.  Genese  Chap.  14.  Et  Abram  donna  les  dismes  de  tout  a  Melchisedec.  21.  Et  le  Uoy  de  Sodome  dit  a  Abram,  Donnemoy  les  personnes,  et  prens  toute  la  substance  pour