9:667  667  RESPONSIO  668  promulgata  fuit:  sic  abunde  sufficere  debuit  evangelium  per  triginta  annos  continuis  miraculis  fidem  et  autoritatem  acquirere.  Nam  prophetas  singulos  non  legimus  hac  virtute  fuisse  praeditos:  quia  expedire  Deo  visum  non  est.  Quidquid  vero  spiritualium  bonorum  Christus  suis  confert,  non  mirum  est  a  profanis  istis  pro  nihilo  duci,  qui  ad  omnes  coelestis  vitae  partes  gustandas  plus  quam  insipidi  sunt.  XIII.  IUDAEUS.  Quaere:  Si  Messias  vester  Deus  est,  quare  inequitavit  bestiae  pollutae,  quum  scriptum  sit  in  lege:  Neque  oves  neque  boves  pascent  e  regione  montis  illius  (Exod.  34,  3)?  Quid  igitur?  si  prohibuit  ne  bestiae  quidem  mundae  pascerent,  quanto  magis  ne  immundae?  Is  autem  ipsemet  insidet  bestiae  pollutae.  CALVINUS.  Quaere  vicissim,  an  sanctus  rex  et  propheta  David  super  mulum  equitando  sese  polluerit?  an  alii  praeterea  sancti  homines,  quorum  passim  occurrunt  in  scripturis  exempla,  quoties  asinis  vecti  sunt,  maculam  contraxerint?  Primum  quando  ne  divinis  quidem  vaticiniis  parcit  eorum  petulantia,  non  videtur  operae  pretium  pluribus  verbis  eam  refutare.  Quemcunque  sibi  tandem  Messiam  fingant,  non  de  alio  quam  de  Messia  locum  Zachariae  (9,  9)  exponere  licebit:  Laetare  filia  Sion,  ecce  rex  tuus  venit  tibi,  equitans  super  asinum,  ete.  Quid  cum  propheta  litigando  proficient?  imo  an  non  putida  ista  subsannatio  satis  convincit  quod  prius  dixi,  non  tam  ludibrio  illis  esse  Christum  nostrum,  quam  legem  et  omnes  prophetas?  Nam  si  Zachariae  sunt  discipuli,  nodum  hunc  nobis  expediant.  Nimis  autem  insulsa  est  cavillatio,  prohibitas  fuisse  in  legis  promulgatione  bestias  ab  accessu  montis  :  quia  si  Deus  locum  illum  sibi  ad  paucos  dies  segregare  voluit,  ut  neque  homo,  neque  ullum  aliud  animal  illuc  accederet,  non  ideo  excluditur  Messias  a  communi  vitae  humanae  usu.  Quid  autem  contagionis  in  eo  reperient,  si  filius  Davidis  super  asinum  conscenderit?  Nec  vero  dubium  est  quorsum  spectaverit  Zacharias,  nempe  venturum  redemptorem,  qui  non  fulgeat  regia  pompa  et  apparatu,  sed  pauper  sit,  et  quasi  unus  ex  vulgo.  xiv.  IUDAEUS.  Quaere:  Quare  esuriit  Iesu?  Si  dixeris  propter  carnem,  nos  vidimus  Mosen,  qui  fuit  etiam  caro  et