49:667  667  SERMONS  668  que  nous  devons  avoir  union  fraternelle  les  uns  avec  les  autres.  Mais  il  est  impossible  que  nous  soyons  conioints  ensemble,  que  premierement  nous  ne  soyons  encorporez  en  nostre  Seigneur  Iesus  Christ.  Et  de  faict,  aussi  c'est  ce  qui  est  le  plus  prochain  de  l'argument  que  traitte  S.  Paul:  car  il  ne  veut  pas  ici  dire  que  Jes  hommes  soyent  alliez  ensemble:  mais  que  Iesus  Christ  nous  recoit  en  son  corps,  ce  qui  ne  se  peut  faire,  que  nous  ne  soyons  separez  de  toutes  pollutions  des  incredules.  Car  comment  est-ce  que  nous  communiquons  au  corps  et  au  sang  de  nostre  Seigneur  Iesus  Christ?  ce  n'est  pas  ainsi  lourdement  que  les  Papistes  ont  imagine:  car  il  leur  semble  que  le  corps  et  le  sang  de  Iesus  Christ  leur  sont  la  donnez  comme  s'il  les  faloit  avaller  et  mascher  a  belles  dents.  Il  ne  faut  point  avoir  esgard  a  telles  sottises:  mais  nous  communiquons  au  corps  et  au  sang  de  Iesus  Christ  en  vertu,  quand  nous  tirons  vie  de  luy.  Et  de  faict,  quand  nous  sommes  separez  d'avec  luy,  que  nous  reste-il  sinon  la  mort  eternelle?  Car  le  peche  non  seulement  habite  en  nous,  mais  il  y  regne:  et  nous  scavons  que  Iesus  Christ  est  nomme  la  vie  du  monde:  et  non  sans  cause.  Si  donc  nous  voulons  estre  vivifiez  quant  a  Dieu,  il  faut  que  cela  nous  procede  d'ailleurs:  c'est  a  scavoir  de  nostre  Seigneur  Iesus  Christ.  Or  sa  vie  nous  doit  estre  commune,  et  nous  n'en  pouvons  estre  faits  participans,  sinon  que  vrayement  nous  soyons  nourris  et  sustentez  de  son  corps  et  de  son  sang  :  c'est  a  dire  que  nous  en  tirions  nostre  vie  spirituelle.  Non  point  que  Iesus  Christ  change  de  lieu  ou  de  place  (car  il  demeure  tousiours  au  ciel:),  mais  par  foy  il  nous  le  faut  la  aller  cercher,  et  il  besongnera  tellement  en  nous  par  la  vertu  secrete  de  son  sainct  Esprit,  que  nous  sentirons  que  ce  n'est  point  une  chose  frustratoire  quand  il  a  dit  que  sa  chair  est  le  pain  celeste:  quand  il"  a  dit  que  son  sang  estoit  le  vray  bruvage  spirituel,  et  que  si  nous  ne  sommes  nourris  de  luy,  nous  perisson8.  Voyla  donc  en  somme  ce  que  nous  avons  a  retenir  de  ce  passage.  Quant  a  ce  que  S.  Paul  nous  met  ia  communication  du  corps  de  Iesus  Christ,  comme  i'ay  desia  declare,  de  la  il  nous  exhorte  a  garder  fraternite  entre  nous  et  mesmes  il  conferme  ce  propos  qu'il  a  tenu.  Car  il  nous  faut  prendre  ceste  doctrine  ici,  et  la  rapporter  a  ce  que  dit  sainct  Iean  en  sa  Canonique,  que  si  nous  n'aimons  les  hommes  qui  conversent  avec  nous,  comment  aimerons-nous  Dieu,  lequel  nous  ne  voyons  point?  Comme  il  y  en  a  beaucoup  qui  font  semblant  d'aimer  Dieu,  et  ils  seront  pleins  de  cruaute,  ils  n'auront  nulle  affection,  ni  pitie  de  personne,  ils  seront  adonnez  a  eux  mesmes,  et  quelle  hypocrisie  est-cela  (dit  sainct  Iean)  que  nous  vueillions  faire  a  croire  que  nous  aimons  Dieu,  et  cependant  nous  serons  ici  comme