23:667  667  SERMONS.  668  de  luy:  et  que  nous  avons  un  tel  contentement,  que  quand  mesmes  nous  [pag.  66]  serons  angoissez  en  nos  fascheries,  nous  ne  laissions  pas  de  nous  resiouir,  d'autant  que  nous  l'aurons  cognu  et  experimente  Pere,  et  qu'il  s'est  aussi  monstre  tel  a  la  verite  par  les  benefices  qu'il  nous  a  desia  au  paravant  communiquez.  Voila  ce  que  nous  avons  ici  a  observer.  Quant  a,  ce  que  dit  Melchisedec,  Benit  soit  le  Dieu  qui  a  livre  tes  ennemis  en  ta  main,  cela  nous  monstre  que  toute  victoire  procede  de  Dieu:  et  mesmes  qu'Abram  par  son  industrie,  par  ses  proesses  et  vaillances  n'avoit  point  deseonfit  les  Roys  dont  il  a  este  parle:  mais  que  Dieu  l'avoit  conduit.  Il  est  vray  qu'Abram  a  surpris  ses  ennemis  de  nuict,  comme  nous  avons  veu,  et  l'a  fait  a  cause  qu'il  n'estoit  point  homme  aguerry:  mais  cependant  dequoy  eut  servi  tout  cela,  sinon  que  Dieu  l'eust  fait  prosperer?  Nous  voyons  mesmes  combien  que  David  ait  eu  grosse  armee,  combien  qu'il  ait  eu  gens  vaillans  et  renommez,  et  que  luy  aussi  de  sa  part  fut  expert  en  guerre,  depuis  que  Dieu  l'avoit  constitue  Roy,  neantmoins  il  dit  que  Dieu  luy  a  donne  des  piedz  de  chevreus,  que  c'est  luy  qui  l'a  esleve,  et  qui  l'a  fortifie  en  sorte  qu'il  a  brise  les  courreaux  et  verrous,  qu'il  a  desconfit  ses  ennemis.  David  donc  proteste  qu'il  n'y  a  rien  qui  luy  soit  propre  en  toutes  les  victoires  qu'il  a  acquises.  Puis  que  David,  qui  avoit  les  moyens  selon  [pag.  67]  les  hommes  de  surmonter  ses  ennemis,  toutesfois  confesse  sans  hypocrisie  qu'il  n'y  a  rien  qui  ne  doyve  estre  attribue  a  Dieu,  afin  que  son  nom  en  soit  glorifie:  que  pouvoit-ce  estre  d'Abram,  qui  n'avoit  iamais  suyvi  la  guerre,  qui  ne  savoit  que  c'estoit  de  desgainer  espee,  par  maniere  de  dire?  neantmoins  qu'il  a  vaincu  une  telle  multitude  de  gens,  qui  estoyent  desia  enflez  de  presumption  d'avoir  desconfit  leurs  ennemis,  et  pille  et  saccage  cinq  villes:  il  falloit  bien  que  Dieu  y  besoignast.  Or  quoy  qu'il  en  soit,  nous  avons  a  recueillir  de  ce  passage,  que  quand  il  ne  faudroit  que  lever  un  doigt,  c'est  a  Dieu  de  nous  conduire  afin  que  nous  ne  facions  point  des  entreprinses  avec  quelque  orgueil  d'outrecuidance,  comme  si  nous  pouvions  quelque  chose,  et  que  nous  fussions  habiles  gens.  Que  ceux  donc  qui  ont  ou  a  guerroyer,  ou  a  faire  quelque  autre  chose  difficile,  se  remettent  entre  les  mains  de  Dieu,  cognoissant  que  ce  n'est  pas  sans  cause  qu'il  est  appelle  le  Dieu  des  armees.  Voila  pour  un  item.  Davantage  il  nous  faut  appliquer  ceci  a  un  second  usage  :  c'est  quant  a  la  vertu  spirituelle  qui  nous  est  donnee  pour  surmonter  Satan,  et  tout  ce  qui  est  contraire  a  nostre  salut:  Nostre  bataille,  dit  S.  Paul,  n'est  point  contre  la  chair  et  contre  le  sang,  mais  contre  les  puissances  d'enhaut,  contre  les  diables  qui  ont  leurs  dards  de  feu  volant.  Voila  ou  il  nous  [pag.  68]  faut  exercer.