9:666  nec  tamen  pleno  adhuc  aspectu  potiantur.  In  Christo  autem  viva  sua  imagine  apparuit,  quatenus  tam  facultas  quam  salus  piorum  ferebat.  Tunc  autem  videbunt  eum  qualis  est,  dum  ei  similes  erunt.  Hoc  vero  brutum  stuporem  spirat,  quod  Deum  in  Christi  persona  visum  fuisse  garriunt,  ac  si  divina  eius  essentia  carneis  oculis  conspicua  fuisset.  XII.  IUDAEUS.  Quaere:  Scriptum  est,  quod  quicunque  fidem  habuerit  in  Iesu,  etiam  tantum  quantum  sunt  grana  sinapi,  poterit  iuxta  eius  verbum  transferre  montem  e  loco  suo.  Nos  autem  videmus  etiam  sanctiores  eorum,  qui  ne  levem  quidem  rem  facere  possunt  Ergo  quanto  minus  reliquum  vulgus?  Quod  si  ita  est,  nulla  est  in  eorum  manu  neque  dominatio,  neque  potentia,  qua  possint  quidquam  praestare,  quamvis  credant  in  eum.  CALVINUS.  Quaere,  quum  scriptum  sit  de  monte  Zion:  Haec  requies  mea  in  saeculum  saeculi,  hic  habitabo  quoniam  elegi  eam,  quid  sibi  velit  vastitas  et  desolatio,  quae  tot  iam  saeculis  duravit?  Quaere  iterum,  quid  sibi  velit,  quod  misere  dissipati  per  totum  orbem  vagantur,  et  prostrati  in  ruinis  suis  iacent,  quum  Isaias  pronunciet  redemptos  esse  ab  exsilio  babylonicOj  ut  ruinas  mundi  totius  instaurent,  et  in  corpus  suum  colligant  omnes  dispersos?  Si  granum  salis  vel  sanae  intelligentiae  in  istis  pecudibus  esset,  sine  controversia  verissimum  esse  cognoscerent  Christi  dictum,  in  quo  absurditatem  venantur.  Quod  obiiciunt,  cur  Christus  suis  discipulis  dixerit  notandum  est,  nempe  vitio  eorum  fieri  exprobrans,  ut  miracula  edere  frustra  tentarent.  Quid  ergo  si  fateamur  dono  miraculorum,  quo  suos  instruxit  Christus,  nos  propria  culpa  destitui?  Pudenda  quidem  nobis  est  haec  confessio:  sed  cur  potius  in  crimen  trahetur  ille,  qui  aeterna  est  Dei  veritas,  et  luculentis  documentis  se  in  hoc  dicto  veracem  ostendit,  potius  quam  vanis  coloribus  tegatur  nostra  infidelitas,  quae  Dei  gratiae  viam  praecludit?  Quanquam  aliud  simul  tenendum  est,  fidem  de  qua  nunc  agitur,  non  illam  esse  communem,  quam  piis  omnibus  et  Christi  membris  affert  adoptionis  spiritus  :  sed  qua  oportuit  apostolos  iniunctum  sibi  munus  amplecti,  nempe  ut  novam  evangelii  doctrinam,  quae  nondum  publico  consensu  recepta  erat,  miraculis  sancirent.  Idem  vero  donum  nequaquam  promiscue  ad  omnes  pertinet.  Sicuti  enim  satis  fuit  in  monte  Sinai  signis  et  prodigiis  semel  confirmari  legem  dum