8:666  simul  verbum  et  spiritus  sanctus,  sicut  Christus  verbum  et  spiritum  sanctum  simul  continet.  Hebraei  omnes  verissime  docent,  sapientiam  Ulam  esse  spiritum  sapientibus  datum,  qui  erat  iam  in  Deo  praefinitus,  seu  praeformatus.  Salomo  de  sapientia  loquens,  sapientiam  Ulam  sibi  datam  testatur,  id  est,  spiritum  sanctum.  Iesus  Sirach,  Baruch,  et  liber  Sapientiae  palam  interpretantur,  sapientiam  Ulam  esse  spiritum  in  Israelitis  habitantem,  et  in  animis  sanctorum  radicatum.  Si  sapientia  erat  spiritus  sanctus,  cogita  iam,  si  erat  spiritus  sanctus  genitus  et  realis  filius.  Ipsemet  Chaldaeus  lonatas,  qui  genitam  sapientiam  ait,  spiritum  sanctum  intelligit,  absque  aliqua  in  Deo  reali  distinctione.  Septimum  tibi  occurrens  est,  quod  eodem  contextu  Proverb.  8  et  9  quaedam  alia  de  ipsa  sapientia  profert  Salomon,  quae  metaphysicam  illam  generationem  non  sapiunt:  Quod  per  vicos  et  plateas  clamant,  quod  donum  aedificant,  columnas  exciderit,  et  [pag.  599]  mensam  instruxerit.  Parabolicum  fuit  aedificium,  sicut  pardbolica  generatio.  Ait  item,  quod  sapientia  erat  אמון  arnon,  multitudo,  universitas  ipsa  rerum  et  שעשועים  saasuim,  delectationes  coram  Deo,  singula  suis  ideis  producendo.  Plurali  numero  dicitur  ibi  in  Deo  הכמות  hachmoth,  plures  sapientiae.  Quae  tibi  plures  essent  reales  filii,  nobis  multiplex  sapientia,  spiritus  unus  et  multiplex.  Unde  iam  octavum  occurrit,  quod  Valentinus,  eius  loci,  de  pluribus  sapientiis,  falsa  reali  interpretatione,  ex  Deo  somniavit,  realiter  gigni  multitudinem  hachamoth  quae  apud  Irenaeum  et  Tertullianum  dicuntur  hachamoth.  1)  Simili  tecum  errore  tenebatur,2)  in  eo,  quod  realem  generationem  interpretabatur.  Sicut  Salomon  Proverb.  3.  in  Deo  discernit  sapientiam,  prudentiam  et  scientiam,  ita  realiter  Valentinus,  qui  res  distinctas,  ex  Deo  genitas  dixit,  synesin,  enthymesin,  demiurgum,  sygigiam,  et  alios  aeonas,  esseque  matrem  sophiam,  sicut  Solomoni  dicitur  sophia  mater.  Illi  erat  sophia  mater,  tibi  filia  realiter  genita.  Quia  sacrae  literae  in  Deo  ponunt  delectationes,  poenitudines  et  consolationes,  Valentinus  aeonas  filios  esse  dixit,  delectationes,  lacrymas  et  mixturas.  Quibus  omnibus  realitatibus  et  falsis  interpretationibus  explosis,  animo  pende,  num  sit  quoque  falsa  ad  locum  illum  tua  realis  interpretatio.  Nonum  occurrit  eiusdem  Salomonis  dictum,  et  loco  eodem:  Quod  Deus  sapientiam  et  intelligentiam  acquisierit,  suo  ingenio  invenerit,  figurate  scripserit,  disposuerit,  ordinant,  et  reliqua,  quae  secundum  praefinitionem  dicuntur.  Similia  de  sapientia  profert  Iob  cap.  28.  Quod  eam  Deus  scripserit,  numeraverit,  recensuerit,  paraverit,  pervestigaverit.  Id  ipsum  Ecclesiasticus,  Baruch  et  liber  Sapientiae  comprobant,  sapientiam  vocantes,  ut  speculi  relucentiam,  imaginem  1)  hachamuth.  2)  tenebantur  .  .  .  .  interpretatantur.