49:666  auront  le  titre  de  consecration.  Or  en  la  Messe  le  prestre  souffle  la  sur  le  pain,  et  sur  le  vin.  Les  choses  sont  elles  ainsi  faites?  Ils  diront  que  la  consecration  y  est.  Ouy?  mais  c'est  une  farce  en  premier  lieu:  pour  le  second  c'est  un  sacrilege:  car  ils  profanent  la  parole  de  Dieu,  quand  ils  la  convertissent  en  tel  abus,  qu'ils  soufflent  et  murmurent  seulement  sur  un  morceau  de  pain  ou  sur  leur  oublie.  A  l'opposite  quand  S.  Paul  parle  de  Benir  le  pain  de  la  Cene,  et  le  calice,  il  entend  que  nous  soyons  advertis  comme  nostre  Seigneur  Iesus  Christ,  et  qu'un  chacun  s'esleve  en  haut  et  que  nous  cognoissions  a  quoy  nous  sommes  appelez,  et  quel  est  le  fruict  de  ce  Sacrement  que  nous  recevons.  Voyla  donc  la  consecration  de  la  Cene,  telle  que  nous  la  voyons  ici,  et  la  ou  l'Evangile  se  presche.  Mais  en  la  Papaute  il  n'y  a  qu'une  vraye  sorcelerie.  Ce  sont  sorciers  toutesfois  et  quantes  ils  chantent  la  Messe,  quand  il  n'y  auroit  autre  mal  que  celuy-la,  que  c'est  une  abomination  vileine,  quand  ils  pensent  faire  un  sacrifice  a  Dieu.  Cela  (di-ie)  est  un  sacrilege  insupportable,  d'autant  qu'ils  desroguent  a  la  vertu  de  la  mort  et  passion  de  nostre  Seigneur  Iesus  Christ.  Et  puis  quand  ils  murmurent  ainsi  sur  le  pain  et  sur  le  vin,  c'est  une  autre  pollution  de  la  parole  de  Dieu.  Ainsi  donc,  retenons  le  style  et  Ianguage  du  S.  Esprit,  afin  que  nous  scachions  quel  est  l'usage  licite  et  approuve  des  Sacremens  que  nostre  Seigneur  Iesus  Christ  nous  a  donnez,  et  que  nous  ne  soyons  point  abastardis  comme  nous  voyons  que  tout  le  monde  a  este,  et  est  encores  en  ceste  maudite  Papaute:  et  mesmes  en  choses  qui  semblent  de  petite  importance,  nous  voyons  comme  tout  a  este  perverti.  Ainsi  quand  sainct  Paul  parle  du  pain.  Il  dit  le  pain  que  nous  rompons.  Il  ne  dit  pas,  Les  petis  dieux  rondelets  qui  se  sou  r  r  en  t  en  la  bouche:  mais  il  dit,  Le  pain  que  nous  rompons  pour  monstrer  que  nous  venons  la  pour  communiquer  ensemble.  Mais  quoy?  En  tout  et  partout  il  semble  qu'on  ait  voulu  despiter  Dieu,  aneantir  tout  ce  que  nostre  Seigneur  Iesus  Christ  (qui  est  nostre  seul  Maistre  et  Docteur)  avoit  commande,  et  qu'on  ait  voulu  mettre  cela  sous  le  pied.  Voyans  donc  une  telle  rebellion  au  monde,  que  nous  resistions  au  contraire,  et  que  nous  rendions  graces  a  Dieu,  de  ce  qu'il  n'a  point  permis  que  nous  soyons  demeurez  plongez  en  telles  ordures  et  abominations.  Or  il  est  vray  quand  nous  venons  a  la  Cene  que  cela  nous  doit  bien  venir  ensemble,  afin  que  nous  vivions  en  droite  fraternite:  mais  sainct  Paul  parle  ici  d'une  autre  union.  Il  est  vray  qu'il  n'exprime  point  cela:  mais  si  est-ce  qu'il  commence  par  le  chef:  disant  qu'il  nous  faut  communiquer  au  corps  et  au  sang  de  nostre  Seigneur  Iesus.  Et  puis  de  la  deduit  que  nous  sommes  un  pain  et  un  corps  et  45