23:666  me  seroit  bon  et  propre.  Ils  se  plaignent.  Mais  quoy?  Ils  ont  leurs  coeurs  enserrez  et  ne  se  presentent  point  a  Dieu  pour  luy  demander  ce  qu'il  leur  faut.  Pource  l'Apostre  dit  [pag.  64]  en  ce  lieu-la,  que  vos  requestes,  vos  pensees  et  desirs  soyent  espandus  devant  Dieu:  c'est  a  dire,  quand  vous  vous  cognoissez  desnuez  de  ceci  et  de  cela,  cherchez  le  bien  ou  il  est,  et  la  vous  le  pourrez  trouver,  c'est  assavoir  en  Dieu:  que  vos  prieres,  supplications  et  actions  de  graces  monstrent  que  vous  estes  devant  Dieu:  et  quand  vous  Paurez  prie,  comme  i'ay  dit,  que  les  louanges  soyent  conioinctes  avec  les  requestes.  Car  si  nous  le  prions  en  murmurant,  et  avec  quelque  regret  et  mescontentement,  c'est  blasphemer  son  sainct  nom.  Or  est-il  ainsi  que  la  priere  luy  doit  estre  un  sacrifice  de  bonne  odeur:  et  nous  venons  luy  faire  iniure  et  outrage,  quand  nous  le  voulons  submettre  et  assuiettir  a  nos  appetits,  ne  nous  contentans  point  de  sa  grace.  Voila  donc  pourquoy  nous  devons  bien  estre  admonestez,  toutes  fois  et  quantes  que  nous  prions  Dieu,  de  luy  rendre  aussi  action  de  graces,  de  nous  remettre  du  tout  a  sa  volonte,  et  luy  faire  recognoissance  de  ses  benefices:  comme  aussi  au  Pseaume  50  il  est  dit:  Invoque  moy  au  iour  de  ta  necessite:  ie  t'exauceray,  et  tu  m'en  rendras  louange.  Voila  comme  en  fait  ici  Melchisedec  quant  a  Abram.  Pour  mieux  comprendre  ceci  et  familierement,  notons  que  nos  prieres  doyvent  regarder  le  temps  passe  et  le  temps  advenir:  le  temps  passe  pour  faire  recognoissance  a,  Dieu  des  biens  que  nous  [pag.  65]  avons  desia  receus  de  luy:  et  le  temps  advenir,  afin  de  luy  demander  qu'il  continue  et  persevere  iusques  en  la  fin,  comme  il  a  commence.  Or  ceci  est  bien  a  noter:  car  voici  Abram  qui  estoit  esleve  en  haut,  establi  pere  des  fideles  ;  il  avoit  este  benit  de  Dieu  quant  a  toutes  vertus,  il  avoit  un  esprit  excellent  en  soy:  et  neantmoins  Melchisedec  luy  monstre  qu'il  faut  qu'il  soit  tousiours  augmente  en  grace  iusques  en  la  fin,  et  qu'il  ait  iournellement  son  recours  a  Dieu.  Car  quand  il  le  benit,  il  luy  donne  quant  et  quant  une  lecon,  laquelle  il  faut  qu'il  garde  et  qu'il  pratique  tout  le  temps  de  sa  vie.  Que  si  Abram  a  eu  besoin  d'invoquer  Dieu  a  tout  iamais,  quelques  graces  qu'il  eust  receues  et  quelque  dignite  qui  fut  en  luy,  toutesfois  qu'il  ait  falu  que  tousiours  il  se  soit  exerce  en  prieres  et  oraisons:  que  sera-ce  de  nous  qui  sommes  encores  bien  loing  de  luy?  Ainsi  donc  vous  voyez  pourquoy  i'ay  dit  qu'il  faut  que  nos  prieres  regardent  le  temps  advenir,  puis  que  nous  avons  tousiours  besoin  d'estre  secourus  de  Dieu,  qu'il  ait  pitie  de  nous,  qu'il  nous  recoure,  et  qu'il  augmente  de  plus  en  plus  ses  graces  en  nous.  Et  puis  il  faut  qu'elles  regardent  le  temps  passe  quant  aux  louanges  et  action  de  graces,  c'est  que  nous  protestions  de  tenir  tout  bien