9:665  665  AD  QUAESTIONES  IUDAEI.  666  CALVINUS.  Quaere  vicissim,  quomodo  saepe  totam  populum  nemine  excepto  perfidiae  et  impiae  defectionis  accusent  prophetae?  Nam  si  ita  est,  ubi  residuum  semen?  quomodo  dicatur  totus  populus  Ieremiam  flagitasse  ad  necem,  quum  tamen  certum  sit,  fuisse  saltem  nonnullos  qui  salvum  optarent.  Ad  quaestionem  brevis  est  ac  expedita  responsio.  Satis  notum  est  quam  trita  sit  etiam  in  lege  et  prophetis  synecdoche,  dum  pars  pro  toto,  vel  totum  pro  parte  sumitur.  De  numero  dierum  ne  ipsi  quidem  Iudaei  litem  nobis  movere  audent.  In  noctibus  putant  magis  plausibilem  esse  calumniam,  quia  ante  initium  tertiae  noctis  resurrexit  Christus.  Sed  quum  nox  sit  quasi  diei  accessio,  non  dubitavit  Christus  tres  dies,  et  totidem  noctes  pro  triduo  ponere,  quo  melius  aptaret  exemplum  Ionae  ad  praesentem  causam.  In  re  autem  quum  nulla  sit  ambiguitas,  de  verbis  cavillari  nugatorium  est.  Si  excipiant  non  quadrare  similitudinem,  quia  dimidio  fere  plus  temporis  transegerit  Ionas  in  ventre  piscis,  quam  Christus  in  sepulcro:  responsio  iterum  facilis  est,  in  exemplis  plenam  conformitatem  exacte  non  requiri,  nec  absurdum  esse,  si  quid  dissimile  notetur.  XI.  IUDAEUS.  Quaere:  Quum  scriptum  sit:  Non  videbit  me  homo  et  vivet,  quomodo  Iesu  fuit  Deus,  ut  eum  omnes  homines  viderint:  et  ne  unus  quidem  mortuus  est  ex  his  omnibus  qui  viderunt  eum?  CALVINUS.  Quaere  vicissim,  quomodo  viderit  Iacob  Deum  facie  ad  faciem,  nec  mortuus  sit?  quomodo  Deus  servum  suum  Mosen  discernat  a  reliquis  prophetis,  quia  familiariter  facio  ad  faciem  cum  eo  loquatur:  non  autem  per  visiones,  et  somnia?  quomodo  toti  populo  apparuerit  in  nube  et  columna  ignis?  quomodo  visibilem  gloriae  suae  formam  o&tenderit  Ezechieli  et  Isaiae,  qui  tamen  subita  morte  ideo  exstincti  non  sunt?  Si  qua  perditis  istis  homimbus  esset  ingenuitas,  puderet  ipsos  tam  crassis  obiectis  pugnare,  imo  effutire  putidas  nugas  refutatione  prorsus  indignas.  Negat  Deus  immensam  gloriam  suae  divinitatis  humano  sensu  posse  capi:  quod  sine  controversia  fatentur  omnes.  Ergo  notitiam  sui  ad  captum  vel  mensuram  piorum  attemperat,  ut  ipsum  videant: