49:665  665  SUR  L'EPITRE  AUX  CORINTHIENS.  666  diction  qui  se  fait  eur  nostre  boire  et  nostre  manger.  Mais  en  la  Cene  il  y  a  une  benediction  speciale  qui  doit  estre  tiree  plus  haut:  c'est  que  le  pain  et  le  vin  qui  nous  sont  la  presentez,  nous  sont  comme  gages  du  corps  et  du  sang  de  nostre  Seigneur  Iesus  Christ.  Quand  nous  prenons  nostre  refection  ordinaire  cela  nous  doit  faire  entendre  que  nous  sommes  nourris  de  Dieu,  et  ceste  nourriture  corporelle  nous  doit  asseurer  que  puis  que  Dieu  se  monstre  Pere  quant  a  nos  corps,  qui  ne  sont  que  pour  charongnes,  il  ne  faut  pas  que  nous  doutions  qu'il  ne  se  monstre  Pere  a  nos  ames  d'autant  qu'il  les  a  plus  precieuses  que  nos  corps.  Mais  quand  nous  venons  a  la  Cene,  il  n'est  point  question  de  repaistre  nos  corps:  il  est  question  de  cercher  une  chose  plus  precieuse,  c'est  que  nos  ames  soyent  nourries  du  corps  et  du  sang  de  nostre  Seigneur  Iesus  Christ.  Il  faut  donc  que  le  calice  soit  sanctifie  a  cest  usage  la,  et  semblablement  le  pain:  c'est  que  le  vin  nous  soit  figure  du  sang  de  nostre  Seigneur  Iesus  Christ,  et  le  pain  de  son  corps:  pour  monstrer  que  nous  sommes  vrayement  repeus  de  luy,  et  qu'estans  comme  entez  en  luy,  nous  avons  une  vie  commune,  et  que  par  la  vertu  de  son  sainct  Esprit  nous  soyons  unis  a  luy,  pour  ce  que  la  mort  et  passion  qu'il  a  enduree  nous  appartient,  et  que  ce  sacrifice  la,  par  lequel  nous  sommes  reconciliez  a  Dieu,  auiourd'huy  nous  est  impute  et  attribue,  comme  si  nous  l'avions  offert  nous  mesmes,  en  nos  propres  personnes.  Maintenant  donc  nous  voyons  que  sainct  Paul  ne  parle  point  ici  d'une  benediction  commune,  telle  qu'elle  se  fait  chacun  iour  au  boire  et  au  manger:  mais  il  parle  de  ce  que  nous  devons  faire,  usans  des  Sacremens:  c'est  qu'ils  soyent  desdiez  a  l'usage  spirituel,  et  combien  que  nous  voyons  la  des  elemens  corruptibles,  comme  le  pain  et  le  vin,  ou  l'eau  du  Baptesme,  que  nous  cognoissions  toutesfois  que  Dieu  les  a  ordonnez  a  une  chose  plus  haute:  c'est  que  l'eau  du  Baptesme  nous  soit  figure  tant  du  sang  de  nostre  Seigneur  Iesus  Christ  que  du  sainct  Esprit:  le  pain  nous  soit  tesmoignage  de  son  corps  et  le  vin  tesmoignage  de  son  sang,  et  que  nous  soyons  conduits  a  la  vie  celeste:  estans  certifiez  que  nous  ne  sommes  point  separez  de  Iesus  Christ,  mais  que  tout  ce  qu'il  ha,  nous  appartient,  veu  qu'il  se  donne  a  nous  en  heritage  et  que  nous  le  possedons.  Voyla  ce  que  nous  avons  a  retenir  de  ce  passage.  Or  cependant  nous  voyons  ici  comme  le  diable  a  regne  en  la  Papaute:  car  ils  useront  assez  du  mot  de  consecration:  mais  qu'est-ce  qu'ils  entendent?  Une  pure  sorcelerie.  Quant  au  Baptesme,  ils  coniurent  l'eau  :  ainsi  qu'on  voit  qu'il  y  aura  le  cierge,  ie  crachat,  et  tous  leurs  autres  menus  fatras,  qui  Calvini  opera.  Vol.  XLIX,