25:665  665  SUR  LE  DEUTER.  CHAP.  I.  666  tout  est  infecte  de  rapines,  de  fraudes,  de  cruautez,  de  trahisons,  de  blasphemes,  de  despitemens  de  Dieu,  d'yvrongneries,  de  paillardises,  de  pompes,  et  dissolutions.  Ainsi  donc,  quiconque  se  conformera  a  la  coustume  des  hommes,  il  faut  qu'il  renonce  Dieu,  et  qu'il  s'alliene  de  tout  bien,  qu'il  s'abandonne  a  toute  villenie,  et  qu'il  se  plonge  en  toute  iniquite:  voila  ou  nous  en  sommes  venus.  Qu'est-il  donc  de  faire?  Apprenons  de  regarder  ceux  qui  nous  peuvent  bien  conduire,  encores  qu'ils  soyent  en  petit  nombre,  et  ne  soyons  point  transportez  par  la  grande  multitude:  car  cela  ne  nous  servira  point  de  bouclier  devant  Dieu,  ce  ne  sera  point  pour  alleger  ni  amoindrir  nostre  faute.  Quand  nous  mettrons  en  avant:  Chacun  a  fait  ainsi,  et  quand  i'ay  veu  tant  de  gens  qui  suyvoyent  ce  train,  ie  me  suis  mis  avec,  et  il  m'a  semble  que  ce  qui  estoit  ainsi  en  usage  commun  doit  estre  licite.  N'amenons  point  ces  excuses  frivoles:  car  nous  n'y  gagnerons  rien,  comme  i'ay  dit.  Et  ainsi,  apprenons  d'ensuyvre  ceux  ausquels  Dieu  aura  fait  la  grace  de  nous  monstrer  le  droit  chemin  :  quand  ils  seront  seulement  trois  ou  quatre,  prisons-les  autant  que  s'ils  estoyent  cent  mille.  Car  Dieu  ne  s'amuse  point  a  la  grande  multitude,  ainsi  que  nous  avons  dit.  Et  il  y  a  d'autre  coste  aussi  quant  a  la  religion.  Ceux  qui  adherent  a  la  purete  de  l'Evangile,  surmontent-ils  en  nombre  les  Papistes,  ies  Turcs,  les  Payens?  Il  est  bien  certain  que  non.  Mesmes  si  on  fait  comparaison  de  nous  avec  les  Iuifs  qui  sont  une  racaille  maudite,  que  Dieu  a  extermine  tellement  leur  nation,  qu'il  n'en  a  laisse  que  bien  peu:  tant  y  a  qu'encores  les  Chrestiens  qui  veulent  simplement  servir  a  Dieu  selon  sa  parolle,  sont  en  si  petit  nombre,  que  ceux-la  les  pourroyent  surmonter.  Que  sera-ce  donc  quand  nous  voudrons  suyvre  la  plus  grande  multitude?  Et  nous  voyons  comme  il  en  prend  a  beaucoup  d'ignorans,  qui  diront  :  Et  quoy?  ceux  qui  voudroyent  changer  la  religion  ne  sont  que  bien  peu  de  gens,  et  sont-ils  plus  sages  que  tout  le  reste  du  monde?  Voila  comme  beaucoup  s'amusent  d'eux-mesmes,  et  se  mettent  une  barre  pour  ne  point  approcher  de  la  verite  de  Dieu.  Et  qui  en  est  cause?  Pource  qu'ils  s'esblouissent  les  yeux,  regardans  au  grand  nombre  de  gens  qui  vont  a  perdition.  Or  au  contraire,  apprenons  de  condamner  tout  le  monde,  comme  il  a  fallu  que  Noe  le  fist  de  son  temps.  Et  ceste  condamnation-la  n'a  pas  este  vaine:  car  luy,  et  sa  famille  ont  este  preservez  :  combien  qu'ils  ne  fussent  que  huit  personnes  en  tout,  si  est-ce  qu'ils  ont  bien  ose  s'opposer  a  tout  le  monde.  Ainsi  nous  en  faut-il  faire.  Et  quand  tout  le  monde  criera  d'une  voix,  qu'il  n'est  ia  mestier  de  s'arrester  a  l'Escriture  saincte,  et  que  l'opinion  des  grands  et  sages  du  monde  sera  tenue,  escoutons  ce  que  Dieu  nous  dira.  Encores