23:665  665  SERMONS.  666  qu'il  n'est  rien  de  soy  et  ne  peut  rien:  mais  d'autant  que  Dieu  l'appelle  a  son  service,  qu'il  Pinvoque  aussi,  et  reclame  son  nom  sur  Abram.  Nous  voyons  donc  que  Iesus  Christ  a  l'office  de  benir,  c'est  a  dire,  de  nous  rendre  agreables  a  Dieu,  d'effacer  tout  le  mal  qui  est  en  nous.  Mais  cela  nous  doit  encores  conduire  plus  [pag.  62]  haut,  c'est  a  la  charite  inestimable  de  Dieu  le  Pere,  qui  n'a  point  espargne  son  Fils  unique,  mais  l'a  livre  a  la  mort  pour  nous.  Quand  la  cause  principale  de  nostre  salut  nous  est  monstree,  l'Escriture  nous  met  en  avant  cest  amour  de  Dieu:  Dieu  donc  a  tant  aime  le  monde,  qu'il  n'a  point  espargne  son  Fils  unique.  Voila  comme  nous  sommes  benits  par  la  vertu  sacerdotale  du  Fils  de  Dieu.  Mais  le  Pere  cependant  nous  appelle  a  soy,  afin  que  nous  luy  facions  hommage  et  recognoissance  d'un  tel  bien  qu'il  nous  a  voulu  communiquer,  voire  par  ceste  source.  En  somme,  nous  voyons  ici  que  tout  le  bien  qu'il  nous  faut  desirer  et  esperer,  procede  de  Dieu  seul,  et  que  c'est  en  luy  qu'il  nous  le  faut  chercher.  Chacun  souhaitera  d'estre  a  son  aise,  et  d'avoir  tout  ce  qu'il  pense  luy  estre  propre.  Voila  un  souhait  que  feront  les  bons  et  les  mauvais  communement.  Mais  il  y  en  a  bien  peu  qui  cherchent  leur  bien  en  Dieu.  Ils  veulent  estre  tous  bien-heureux:  mais  ils  mesprisent  celuy  dont  tout  bien  procede.  Et  c'est  autant  comme  si  un  homme  avoit  bien  soif,  et  qu'il  languit  mesmes,  et  qu'il  n'en  peut  plus,  et  qu'on  luy  dit,  Voila  la  fontaine,  et  cependant  qu'il  ne  daignast  boire:  il  y  aura  et  eau  et  vin,  et  il  ne  voudra  point  approcher  pour  en  prendre.  Ainsi  en  est-il  de  ceux  qui  desirent  et  appetent  savoir  tout  ce  qui  leur  vient  en  fantasie,  et  ce  [pag.  63]  qu'ils  cognoissent  leur  estre  requis,  et  cependant  ils  mesprisent  Dieu,  et  ne  veulent  point  approcher  de  luy.  Apprenons  donc,  toutes  fois  et  quantes  que  nous  avons  a  desirer  ou  pour  nos  ames,  ou  pour  nos  corps  ce  qui  est  souhaitabie,  de  commencer  par  ce  bout,  que  Dieu  nous  soit  propice,  et  qu'il  nous  recoyve  tellement  a  sa  merci,  que  nous  puissions  avoir  approche  et  entree  a  luy,  et  que  nous  puissions  nous  rassasier  de  ses  biens  entant  qu'il  nous  sera  utile  pour  nostre  salut.  Voila  donc  ce  que  nous  avons  a  observer  en  ce  qui  est  dit:  qu'Abram  soit  benit,  voire  au  Dieu  Souverain.  Apres  cela  Melchisedec  adioute  benediction,  de  ce  que  Dieu  avoit  donne  victoire  a.  nostre  pere  Abram:  Et  benit  soit,  dit-il,  le  Dieu  vivant  qui  a  livre  tes  ennemis  en  ta  main.  Par  ceci  nous  sommes  ��admonestez  de  conioindre  tousiours  les  louanges  de  Dieu  avec  les  requestes  et  supplications  que  nous  luy  ferons,  comme  aussi  sainct  Paul  nous  le  demonstre  aux  Philippiens,  quand  il  dit  que  nos  desirs  soyent  cognus  de  Dieu,  c'est  a  dire  que  vous  ne  rongez  pas,  dit-il,  vostre  frain  comme  font  les  incredules  quand  ils  voyent,  Cela