7:664  mium  iniqui,  tolerandos  esse  admonent  ministros,  qui  adduci  non  poterunt  ut  quas  [pag.  188]  habent  uxores  repudient.  Quanquam  sedulo  rursum  cavent,  ne  ipsorum  causam  probare  videantur,  dum  hoc  illis  concedi  volunt,  ne  si  praeter  modum  urgeantur  tumultum  moveant.  Hoc  modo  concubina  Islebio  conceditur,  ne  ab  ea  violenter  avulsus  ad  arma  conclamet.  Dignus  certe  qui,  quum  sit  inanis  gloriae  cupidissimus,  tale  probrum  sustineat.  Sed  miror  nullum  adeo  esse  pudorem  moderatoribus,  ut  solvere  non  dubitent  sacram  coniugii  fidem,  nisi  periculum  a  graviore  motu  esset.  Atque  hic  breviter  quod  prius  attigi  repetere  iterum  cogor.  Nam  quum  hunc  honorem  deferri  sacramento  velint,  ut  contractum  temere  inter  adulescentes  coniugium  nihilominus  ratum  maneat,  etsi  praeter  ius  et  fas  initum  fuerit:  quae  ista  est  desultoria  levitas,  ut  quum  de  sacerdotibus  agitur,  sacramento  nihil  habeant  honoris  ?  Nos  vero  dum  audimus  ex  ore  Pauli,  diabolicum  esse  commentum,  coniugii  prohibitionem  (1  Tim.  4,  1.3):  bis  diabolos  intrepide  vocemus,  qui,  ut  hanc  tyrannidem  defendant,  coniugium  Dei  nomine  consecratum  profanare  conantur.  Quanquam,  ne  sint  nimium  liberalem,  addunt,  exspectandum  esse  concilii  decretum.  Quid  si  igitur  pronunciet  concilium,  rata  se  non  habere  ministrorum  coniugia,  an  hominum  arbitrio  protinus  fas  erit  separari  quos  Deus  coniunxit?  Hoc  sane  modo  hominum  iudiciis  Dei  institutum,  quod  merito  inviolabile  debebat  esse,  subiiciunt.  Nisi  prophetas,  apostolos,  praecipuumque  sanctorum  pastorum  florem  expungere  velint  e  numero  servorum  Dei,  sacerdotum  coniugium  probari  a  Deo  et  benedici,  [pag.  189]  non  negabunt.  Nunc  stat  Dei  sententia,  ut  relictis,  si  opus  est,  parentibus  maritus  et  uxor  duo  sint  in  carnem  unam.  Quibus  verbis  significat  Moses  sanctum  adeo  prae  aliis  esse  hoc  foedus,  ut  arctissimo  etiam  eius  coniunctionis  vinculo  praeferatur,  quae  prima  est  in  natura.  1)  Cuius  ergo  audaciae  est,  quod  tam  severe  a  Deo  sancitum  est,  pro  nihilo  ducere?  Praeterea  ubi  caelibatum  imperaverint,  quis  continentiam  dabit,  nisi  palam  Christo  et  Paulo  reclamare  volent?  Singulare  esse  continentiae  donum,  adeoque  rarum,  et  paucissimis  commune,  fateri  cogentur.  Eo  quicunque  non  sunt  praediti,  coniugii  remedium  si  respuunt,  cum  Deo  pugnando  nihil  proficient.  Nam  ut  maxime  arceatur  externa  intemperies,  interior  tamen  libidinum  aestus  in  corde  fervebit.  Hinc  misera  conscientiae  inquietudo,  quae  hominem  non  patietur  quidquam  tranquillo  animo  et,  quemadmodum  loquitur  Paulus,  ex  fide  aggredi.  Ita  fiet,  ut  tale  mox  pullulet  clericorum  semen,  quale  nobis  iam  ante  multos  annos  protulit  impurus  1)  scil.  ut  Gallus  addit:  du  filz  au  pere.