48:664  mais  en  ce  qu'il  est  ressuscite,  il  est  apparu  Fils  de  Dieu.  Voyla  ce  que  S.  Pierre  a  voulu  signifier  par  ce  qu'il  dit,  Lequel  Dieu  a  ressuscite  ayant  oste  les  douleurs  de  la  mort.  Or  en  ce  qu'il  dit  les  douleurs  de  la  mort,  il  n'entend  point  les  douleurs  de  la  mort  corporelle  qu'a  souffert  Iesus  Christ:  mais  les  angoisses  horribles  ou  il  estoit,  pource  qu'il  faloit  qu'il  fust  nostre  pleige,  et  qu'il  portast  la  peine  de  tous  nos  pechez.  Ainsi  donc  il  n'a  point  seulement  endure  au  corps,  mais  aussi  en  l'Esprit:  toutesfois  ce  n'estoit  point  pour  en  estre  vaincu.  Mais  nous  ne  pourrions  pas  maintenant  deduire  ce  qu'il  est  besoin  de  declarer  des  douleurs  de  la  mort:  pourtant  nous  le  reserverons  a  une  autre  fois.  Suyvant  ceste  saincte  doctrine  nous-nous  prosternerons  etc.  Imprimerie  Appellans  &  Pfenmngstorff,  Brunswick.