35:664  (qui  emportoit  auparavant  une  playe  mortelle)  comme  de  medecine.  Et  comment?  D'autant  que  nous  n'apprehendons  pas  que  Dieu  veuille  estre  nostre  iuge  en  toute  rigueur,  et  qu'il  veuille  desployer  sa  vengeance  contre  nous  quand  nous  avons  Iesus  Christ  au  milieu  qui  monstre  qu'il  a  satisfait  pour  nous.  Il  n'y  a  point  donc  ceste  apprehension  horrible  en  la  mort,  qui  estoit  pour  nous  rendre  confus,  mesmes  pour  nous  mettre  en  desespoir:  mais  nous  venons  franchement  nous  remettre  entre  les  mains  de  Dieu.  Car  comme  il  est  dit  que  Iesus  Christ  recommandoit  son  Esprit  a  Dieu  son  Pere,  scachons  que  c'a  este  pour  se  constituer  gardien  de  nos  ames:  et  pourtant  nous  ies  pouvons  remettre  seurement  en  sa  main:  car  il  a  proteste  que  rien  ne  periroit  de  tout  ce  qui  luy  a  este  donne.  Voyla  donc  de  quoy  nous  sert  que  nostre  Seigneur  Iesus  a  este  ainsi  angoisse:  et  qu'outre  ce  qu'il  a  endure  la  mort,  et  les  autres  tormens,  il  a  eu  aussi  cest  effroi  de  sentir  Dieu  son  iuge,  comme  s'il  devoit  endurer  les  douleurs  d'enfer.  Or  tant  s'en  faut  que  cela  derogue  a  la  maieste  du  Fils  de  Dieu,  que  c'est  pour  nous  faire  tant  mieux  cognoistre  combien  il  a  prise  nostre  salut,  et  combien  nous  luy  avons  este  chers  et  nos  ames  luy  ont  este  precieuses.  Combien  donc  qu'il  ait  este  aneanti  (comme  nous  avons  veu  ci-dessus),  qu'il  n'ait  eu  ne  forme  ne  figure  pour  estre  desire  entre  les  hommes,  tant  y  a  que  cest  aneantissementla  a  este  pour  l'exalter  tant  plus.  Et  de  faict,  combien  que  Dieu  ait  monstre  sa  hautesse  et  sa  maieste  infinie  en  la  creation  du  monde,  si  est-ce  qu'en  la  mort  et  passion  de  nostre  Seigneur  Iesus  Christ,  nous  avons  plus  ample  argument  de  glorifier  Dieu,  d'autant  que  pour  nous  et  nostre  salut  Iesus  Christ  s'est  abbaisse  et  demis:  et  encores  qu'il  ne  se  soit  point  despouille  de  sa  maieste  Divine,  si  est-ce  qu'elle  a  este  cachee  pour  un  temps,  et  on  ne  l'a  point  apperceue  entre  les  hommes.  C'est  en  somme  ce  que  le  Prophete  traitte  yei,  touchant  que  nostre  Seigneur  Iesus  a  este  angoisse.  Or  en  cela  voyons  nous  qu'il  s'est  comme  oublie,  et  n'a  eu  nul  esgard  a  soy.  Et  la  raison,  c'est  qu'il  estoit  du  tout  addonne  a  nostre  salut:  et  ainsi  il  a  respondu  pour  nous  et  en  corps  et  en  ame  et  a  este  du  tout  nostre  plege.  Et  en  cela  voyons-nous  que  des  canailles,  qui  auiourd'huy  voudroyent  abolir  ceste  doctrine,  sont  sans  religion  et  sans  foy,  comme  des  chiens  mastins  qui  abbayent,  et  ne  scavent  pourquoy.  Les  caphars  de  la  Papaute,  combien  qu'ils  n'entendent  pas  ceci,  sinon  en  partie,  sont  contraints  de  confesser,  quoy  qu'il  en  soit,  que  Iesus  Christ  a  senti  de  terribles  horreurs.  Il  est  vray  qu'ils  ne  peuvent  pas  definir  tout  ce  qui  en  est:  mais  quoy  qu'il  en  soit,  si  est-ce  qu'ils  en  iargon-