25:664  condammer  le  peuple,  quand  ce  qui  luy  devoit  estre  pour  aide  a  l'advancer,  l'a  reculle.  Et  cela  n'est  pas  seulement  recite  de  ceux  dont  parle  Moyse,  afin  que  nous  les  condamnions:  mais  nous  sont  produits  pour  exemple  et  miroir,  afin  que  nous  regardions  a  nous,  pour  faire  nostre  profit.  Si  Dieu  nous  supporte,  et  qu'il  nous  donne  des  moyens  convenables  a  nostre  infirmite,  que  nous  les  puissions  appliquer  a  tel  usage,  que  nous  soyons  incitez  a  luy  obeir,  et  que  nous  ne  soyons  point  retardez  en  facon  que  ce  soit.  Voila  (di-ie)  ce  que  nous  avons  a  observer.  Mais  le  principal  est  de  ce  que  Moyse  adiouste,  c'est  assavoir,  que  les  espies  ont  rapporte  que  la  terre  estoit  bonne,  et  que  ie  peuple  ne  Va  pas  voulu  croire,  mais  il  a  este  rebelle  a  la  bouche  de  Dieu.  Il  semble  bien  que  Moyse  ne  recite  pas  l'histoire  comme  elle  est  contenue  au  lieu  que  nous  avons  desia  allegue.  Car  la  il  est  dit,  que  des  douze  qui  furent  envoyez,  il  n'y  en  eut  que  deux  qui  donnassent  courage  au  peuple  d'entrer  en  ceste  terre  qui  luy  estoit  promise,  et  les  dix  taschoyent  tant  qu'il  leur  estoit  possible,  de  desbaucher  ceux  qui  autrement  n'estoyent  gueres  bien  disposez.  Puis  qu'ainsi  est,  pourquoy  est-ce  que  Moyse  dit  maintenant,  que  les  espies  avoyent  rapporte,  que  la  terre  estoit  bonne,  comme  s'ils  eussent  exhorte  le  peuple  pour  faire  ce  que  Dieu  leur  commandoit?  Mais  ici  nous  avons  a  noter,  que  Moyse  ne  regarde  point  au  plus  grand  nombre,  ni  a  la  multitude:  il  regarde  a  la  plus  saine  partie.  Combien  donc  qu'il  n'y  eust  que  Caleb  fils  de  Iephone,  et  Iosue  fils  de  Nun,  qui  fissent  bon  rapport,  et  qui  taschassent  de  pousser  le  peuple  a  obeir  a  Dieu:  neantmoins  ceux-la  sont  preferez  de  Dieu.  Voila  donc  la  sixieme  partie  que  Dieu  estime  beaucoup  plus  que  tout  le  reste.  Et  c'est  un  article  bien  notable:  car  d'ici  nous  pouvons  recueillir  une  bonne  doctrine  et  utile.  Car  tantost  Moyse  adioustera.  qu'il  y  en  avoit  la  plus  part  de  ceux  qui  estoyent  envoyez  pour  espier  la  terre,  qui  disoyent:  Les  villes  sont  grandes,  elles  sont  murees  iusques  au  ciel;  mais  maintenant  il  ne  parle  sinon  des  deux  qui  s'estoyent  acquittez  de  leur  devoir.  Nous  voyons  donc  quand  la  plus  grande  multitude  des  hommes  tendra  a,  mal,  qu'il  les  faut  laisser  la  comme  s'ils  estoyent  de  nulle  valeur:  ils  ne  sont  pas  dignes  de  venir  en  conte,  et  nous  faut  plustost  tenir  a  une  poignee  des  gens  que  nous  verrons  qui  nous  enseignent  fidelement,  qui  nous  donnent  bon  conseil:  il  faut  (di-ie)  suyvre  plustost  un  homme  ou  deux,  et  en  laisser  cent,  voire  mille,  que  de  nous  ruiner  avec  une  grande  quantite.  Et  si  cela  a  iamais  este  utile,  il  l'est  de  nostre  temps:  car  nous  voyons  d'un  coste  comme  tout  est  perverti  au  monde,  les  superstitions  sont  si  grandes  et  enormes  que  c'est  pitie.  Si  nous  voulons  reigler  nostre  vie  a  la  facon  commune,  que  sera-ce?  car