23:664  et  les  disciples,  lesquels  il  avoit  desia  receus  a  soy)  mais  ie  prie  pour  tous  ceux,  dit-il,  qui  croiront  par  leur  parole  en  mon  nom:  afin  qu'ils  demourent  un  en  moy,  et  comme  ie  demoure  en  toy,  que  nous  soyons  tous  un.  Tellement  que  nostre  Seigneur  Iesus  Christ  a  une  fois  prononce  ces  paroles  de  sa  bouche:  c'est  qu'il  prie  non  pas  pour  ses  disciples  seulement,  qui  estoyent  desia  de  son  troupeau,  mais  pour  tous  ceux  qui  croyent  en  luy  par  leur  parole.  Apprenons  donc  quand  nous  embrasserons  [pag.  60]  la  doctrine  de  l'Evangile  avec  une  vraye  obeissance,  que  nous  serons  persuadez  que  le  Fils  de  Dieu  nous  est  donne  pour  nostre  souverain  bien  et  unique.  Voila  comme  sa  priere  aura  tousiours  vigueur:  car  il  n'est  pas  besoin  qu'il  la  recommence  et  soir  et  matin  et  cEacun  iour.  Il  suffit  qu'il  l'ait  seellee  par  son  sang,  et  par  ce  sacrifice  unique  et  eternel  qu'il  a  une  fois  fait.  Car  nous  sommes  asseurez  que  nos  prieres  seront  exaucees,  quand  nous  prierons  Dieu  au  nom  de  nostre  Sauveur.  Nos  prieres  ne  seroyent  qu'infection,  et  seroyent  mesme  pour  insecter  l'air,  s'il  estoit  question  de  regarder  a  Dieu,  pour  regarder  puis  apres  quels  nous  sommes:  mais  nos  prieres  sont  benites  par  la  benediction  sacerdotale  de  nostre  Seigneur  Iesus  Christ,  auquel  il  nous  faut  regarder  pour  estre  participans  de  tous  ses  biens.  Voila  en  somme  comme  il  nous  faut  appliquer  a  nostre  profit  et  a  l'edification  de  nostre  foy,  ce  passage  de  Moyse,  ou  il  est  dit  qu'Abram  pere  des  fideles  a  este  benit.  En  cela  nous  voyons  qu'Abram  estoit  maudit  en  soy,  puis  qu'il  emprunte  benediction  sacerdotale.  Et  Melchisedec  aussi  cognoit  qu'il  n'y  a  en  nous  que  toute  povrete,  et  qu'il  faut  que  Dieu  nous  benisse,  et  que  nous  embrassions  cela  avec  toute  humilite,  si  nous  voulons  iouir  du  bien  qui  nous  est  apporte  par  nostre  Seigneur  Iesus  Christ  [pag.  61],  et  qu'il  nous  offre  iournellement  par  la  predication  de  l'Evangile.  Or  la  dessus  Moyse  recite  la  benediction  de  Melchisedec.  (Benit  soit  Abram  [dit-il]  devant  le  Dieu  treshaut,  qui  possede  le  ciel  et  la  terre:  et  benit  soit  le  Dieu  souverain  qui  a  livre  tes  ennemis  en  ta  main).  Il  benit  Abram  au  nom  de  Dieu  comme  desia  nous  avons  allegue  de  la  Loy.  Il  ne  faut  point  entendre  quand  les  Sacrificateurs  ont  office  de  benir,  que  ce  soit  de  leur  propre  authorite,  et  que  Dieu  leur  ait  resigne  son  office,  et  que  sa  louange  en  soit  amoindrie  d'autant.  Quand  Dieu  besongne  par  ses  Ministres,  ce  n'est  pas  qu'il  soit  diminue  de  son  coste,  ne  qu'il  faille  que  sa  vertu  soit  'obscurcie  :  il  ne  s'oste  rien  de  ce  qu'il  donne.  Mais  il  luy  plait  d'user  de  tels  moy  eus  a  ceste  condition,  que  tousiours  on  revienne  a  luy,  et  qu'on  ne  puise  une  seule  goutte  de  bien  d'autre  fontaine  que  de  ceste  source-la.  Voila  pourquoy  notamment  il  est  dit,  Benit  soit  Abram  au  Dieu  souverain:  comme  si  Melchisedec  disoit,