9:663  663  RESPONSIO  664  vin.  IUDAEUS.  Quaere:  Quomodo  fuit  Messias  vester  rex  pacis,  quum  toto  illius  tempore  fuerit  lis,  et  ab  hinc  non  quieverit  mundus  a  bellis?  Scribitur  tamen:  Multitudini  dominii  et  pacis  non  est  finis  (Isa.  9,  6).  Et  Iesu  dicit:  Non  veni  ut  ponerem  pacem  in  terra,  sed  gladium  {Matth.  10,  34):  quod  si  ita  est,  eius  verba  contradictoria  sunt  verbis  prophetarum.  CALVINUS.  Quaere  vicissim,  quando  venerint  reges  ex  terris  longinquis,  et  facti  fuerint  tributarii  populo  israelitico?  quando  coacervatae  fuerint  omnium  gentium  opes,  ut  cederent  in  praedam  Iudaeis?  quomodo  dicat  Isaias  extento  vexillo  redituros  ab  exsilio  in  patriam  esse?  ubi  sit  splendor  ille  templi  secundi,  quem  pollicitus  est  Aggaeus?  Certe  nisi  istis  nebulonibus  ludibrio  essent  omnes  prophetae,  totaque  religio,  longe  alia  reverentia  expenderent  quidquid  de  suis  beneficiis  pronunciat  Deus.  Solutio  quaestionis  est,  quod  allata  per  Cbristum  pace  non  fruitur  mundus,  culpam  alibi  non  haerere,  quam  in  hominibus  ipsis  quibus  magis  placuit,  sacrilegum  bellum  adversus  Deum  gerendo  se  ipsos  turbare.  Neque  tamen  obstitit  eorum  pravitas,  quo  minus  Messias  et  munus  suum  et  muneris  titulum  retinuerit.  Nec  vero  si  pax  non  est  impiis,  ideo  sua  virtute  privatus  est  ille:  imo  quia  spreta  ab  illis  fuit  reconciliatio  cum  Deo,  oportuit  horribili  Dei  vindicta  in  caecum  furorem  impelli,  ut  mutuo  inter  se  confligerent.  Primi  hominum  Iudaei  sua  pervicacia  monstrarunt  se  cum  Deo  pacem  nolle.  Merito  igitur  sua  ipsi  viscera  crudeliter  ad  ultimam  usque  patriae  cladem  laniarunt.  Sequuti  postea  sunt  alii,  quisque  suo  ordine:  quia  nulla  gens  fuit  extra  hanc  noxam.  Sed  eo  melius  experti  sunt  fideles  Christum  esse  pacis  principem,  quia  inter  tam  graves  et  atroces  bellorum  motus,  quietis  tamen  et  tranquillis  animis  Deum  invocarunt.  Atque  hanc  pacem  commendat  Isaias,  cui  subscribunt  omnes  apostoli,  dum  hunc  praecipuum  fidei  fructum  esse  docent,  ut  Deo  propitio  freti  non  amplius  tumultuemur,  sed  pacatis  animis  stemus  inter  mundi  agitationes  (Luc.  21,  36).  Quod  autem  se  Christus  afferre  bellum  potius  dicit,  quam  pacem,  id  est  accidentale:  quia  mundi  impietas  dissidia  accendit,  ex  quibus  graves  pugnae  emergunt.  IX.  IUDAEUS.  Quaere:  Si  Deus  est,  quare  texit  sese  carne,  et  quare  non  venit  aperte,  ut  palam  innovaret  legem