7:663  663  VERA  ECCLESIAE  664  Videmus  quo  tempore  floruit  summa  inter  Christianos  sanctitas,  ministris  ecclesiae  non  fuisse  indictum  caelibatum.  Apostolos  certum  est,  quum  stationem  nusquam  fixam  haberent,  maluisse  uxores  suas  circumducere,  quam  ut  eas  dimitterent  a  suo  contubernio.  Sic  enim  narrat  Paulus  (1  Cor.  9,  5).  Nec  audiendum  est  puerile  illud  cavillum,  maritos  suos  ideo  sequutas  esse,  ut  publico  ecclesiae  sumptu  simul  viverent.  Quid  enim?  Annon  poterant  ali  ex  publico,  nisi  communi  mensa  vescerentur?  Idem  Paulus,  quum  imaginem  veri  episcopi  numeris  omnibus  absolutam  pingit  (1  Tim.  3,  2;  Tit.  1,  6),  dotesque  enumerat  quibus  excellere  maxime  debeat,  caelibatus  nullam  facit  mentionem.  Hoc  parum  est.  Nominatim  eligendos  esse  admonet,  qui  singulis  uxoribus  contenti  fidem  coniugalem  pudice  colant,  honesti  sint  patresfamilias,  liberos  suos  instituant  in  timore  Domini.  Hanc  esse  veram  ac  solidam  episcopi  perfectionem,  cuius  Paulus  exemplar  praescribit,  negari  non  potest.  Quisquis  ergo  deesse  aliquid  ecclesiae  ministris  putat,  nisi  caelibes  vivant,  aliud  sibi  habeat  ecclesiae  regimen,  quam  quod  nobis  filius  Dei  commendavit.  Atque  ut  minus  dubitationis  esset,  diserte  alibi  pronunciat  spiritus  [pag.  187]  Dei,  honorabile  esse  in  omnibus  coniugium  (Hebr.  13,4).  Quem  locum  citando  nequiter  depravant  mediatores.  Praetereunt  enim  id  quod  praecipuum  erat  orationis  membrum,  nempe,  in  omnibus.  Quid  enim  novi  protulisset  apostolus,  si  simpliciter  dixisset,  coniugium  probro  carere?  Nondum  enim  talis,  vel  inter  Iudaeos,  vel  inter  gentes,  superstitio  emerserat,  quae  illud  ignominia  notaret.  Sed  quum  forte  caelibatum  morosi  quidam  homines,  tanquam  sanctius  per  se  vitae  genus,  immodice  extollerent,  quum  horribilem  Dei  ultionem  scortatoribus  et  adulteris  denunciat,  simul  incontinentiae  remedium  proponit,  ut  suam  quisque  uxorem  habeat.  Ne  vero  coniugium  aspernaretur  quispiam,  testatur  esse  in  omnibus  honorabile.  Quo  significat,  neminem  esse  tanta  virtutum  excellentia  praeditum,  quem  non  deceat:  nec  ab  ulla  functione  quantumvis  praeclara  esse  alienum.  Unde  igitur  haec  nova  sanctitas?  Reperiemus  profecto  a  Montano,  Encratitis,  et  similibus  esse  ortam.  Damnati  quidem  illi"fiierunt  iam  olim:  hoc  tamen  obtinuit  Satan  ut  damnatis  hominum  personis,  impius  error  dimidia  ex  parte  probaretur.  Paulatim  deinde  crevit  superstitio,  ut  matrimonio  sacerdotibus  interdicere  quidam  vellent.  Idque  fuisse  in  Nicena  synodo  agitatum  refert  Sozomenus:*)  sed  tunc  intercessit  Paphnutius  martyr,  qui,  quum  ipse  thori  coniugalis  expers  esset,  dixit  tamen,  castitatem  quoque  esse,  cum  uxore  propria  concubitum.  Nunc  vero  nostri  mediatores,  ne  videantur  coniugio  ni-  1)  Tripert,  hist.  lib.  1,  cap.  14.