49:663  663  SERMONS  664  de  l'argument  qu'il  traitte  et  deduit,  c'est  ascavoir  qu'il  n'est  point  licite  aux  Chrestiens  de  se  polluer  parmi  la  superstition  des  incredules.  Quand  sainct  Paul  parle  ici  du  calice,  et  du  pain  de  la  Cene,  il  ne  garde  pas  Tordre.  Car  nous  scavons  que  nostre  Seigneur  Iesus  Christ  a  donne  le  pain  en  premier  lieu  a  ses  disciples:  et  puis  il  leur  a  donne  le  vin.  Mais  il  n'y  a  nul  inconveniant,  que  sainct  Paul  ait  mis  les  deux  parties  de  la  Cene,  le  calice  et  le  pain,  ou  les  deux  signes  qui  nous  sont  la  presentez  ,  sans  garder  trop  curieusement  l'ordre,  selon  qu'il  est  contenu  aux  Evangelistes,  et  selon  aussi  qu'il  en  traittera  en  l'onzieme  chapitre  :  car  la  son  intention  sera  d'exposer  l'institution  de  nostre  Seigneur  Iesus  Christ,  et  declarer  que  ce  est  de  la  Cene,  et  comme  on  en  doit  user  :  mais  ici  pour  ce  qu'il  en  touche  seulement  par  occasion:  il  met  sans  en  faire  scrupule  le  signe  du  calice  devant  le  signe  du  pain.  Au  reste  nous  avons  a  noter  de  ce  passage  {comme  il  sera  encores  traitte  plus  au  long  en  l'onzieme  chapitre)  que  pour  bien  celebrer  la  Cene  de  nostre  Seigneur  Iesus  Christ,  ce  n'est  point  assez  d'avoir  du  pain,  mais  qu'il  faut  que  le  vin  soit  adiouste.  Les  Papistes  quand  une  fois  l'an  ils  feront  quelque  semblant  d'administrer  la  Cene,  ne  donneront  que  le  pain  au  peuple  :  car  le  calice  est  seulement  pour  celuy  qui  a  chante  Messe.  La  dessus  ils  s'excusent  que  quand  nostre  Seigneur  a  donne  le  calice,  c'a  este  a  ses  disciples,  lesquels  estoyent  desia  prestres.  Or  ils  les  font  prestres  a  leur  appetit,  comme  ils  convertissent  l'eau  en  feu  quand  bon  leur  semble.  Mais  encores  quand  sainct  Paul  a  ici  parle,  a  ce  este  seulement  a  des  prestres?  Il  est  certain  qu'il  parle  aux  femmes,  comme  nous  le  verrons  au  commencement  de  l'onzieme  chapitre.  Puis  qu'ainsi  est  donc  qu'il  parle  aux  femmes  et  aux  plus  idiots  de  tout  le  monde:  et  que  notamment  quand  il  dit,  Le  calice  de  benediction,  rfest-il  pas  la  communication  du  sang  de  Christ?  cela  s'estend  a  tout  le  corps  de  l'Eglise:  concluons  que  du  temps  des  Apostres  tousiours  le  calice  a  este  donne  en  la  Cene.  Et  on  voit  par  ceux  qui  ont  vescu  trois  et  quatre  cens  ans  apres,  que  cela  a  tousiours  demoure  en  usage,  qu'on  communiquoit  a  toutes  les  deux  parties,  et  non  sans  cause,  comme  il  sera  declare  plus  au  long  en  l'onzieme  chapitre.  C'a  donc  este  un  sacrilege,  quand  les  hommes  ont  ainsi  ose  rompre  en  pieces  ce  qui  avoit  este  uni  par  l'authorite  du  Fils  de  Dieu.  Car  ce  qui  est  prononce  du  mariage,  doit  aussi  estre  observe  en  tout  et  par  tout  :  a  scavoir  que  ce  que  Dieu  a  conioint,  il  n'est  pas  a  l'homme  de  le  separer.  Or  nostre  Seigneur  Iesus  Christ  en  donnant  sa  Cene,  a  conioint  le  calice  avec  le  pain.  Quand  donc  une  creature  mortelle  entre-