35:663  663  S  E  R  M  O  N  S  664  peche  de  l'homme  n'emporte  pas  seulement  une  mort  temporelle  qui  est  separation  du  corps  d'avec  l'ame,  mais  emporte  de  sentir  que  Dieu  nous  est  contraire,  d'avoir  horreur  de  son  iugement.  Et  qu'est-ce  de  cela?  une  chose  si  insupportable  et  horrible  que  rien  plus.  Ii  a  donc  falu  que  nostre  Seigneur  Iesus  veinst  iusques-la  pour  nous  delivrer:  et  c'est  ce  que  maintenant  le  Prophete  declare.  Et  y  ci  nous  voyons  encores  tant  plus  combien  Dieu  nous  a  aimez,  et  quels  sont  les  thresors  de  sa  grace  et  bonte  infinie,  qu'il  a  desployez  envers  nous.  Et  nous  pourrons  bien  aussi  cognoistre  quelle  solicitude  et  quel  zele  a  eu  nostre  Seigneur  Iesus  Christ  a  nostre  salut,  quand  il  ne  s'est  point  espargne,  et  que  non  seulement  ii  a  voulu  que  son  corps  respondist  pour  faire  satisfaction  de  nos  pechez,  mais  estre  mesme  effraye,  comme  celuy  qui  devoit  sentir  le  iugement  de  Dieu,  et  qui  apprehendoit  que  c'est  que  merite  ceste  malediction  que  Dieu  prononce  de  sa  bouche:  c'est  ascavoir  que  c'est  pour  nous  engloutir  en  enfer,  que  c'est  un  gouffre  pour  nous  abysmer  du  tout.  Il  faloit  donc  que  Iesus  Christ  sentist  cela.  Et  de  faict,  quand  nous  voyons  qu'il  en  a  sue  sang  efc  eau,  qu'il  a  falu  que  les  Anges  soyent  descendus  pour  le  consoler,  il  faloit  bien  dire  que  ceste  tristesse  fust  extreme:  veu  que  iamais,  n'y  a  eu  un  exemple  pareil  au  monde.  Voyla  donc  ce  qui  est  signifie  par  ce  mot  de  travail  ou  fascherie  de  l'ame  de  nostre  Seigneur  Iesus  Christ:  Or  il  est  vray  (comme  dit  S,  Pierre)  qu'il  n'a  peu  estre  detenu  par  les  douleurs  d'enfer,  mais  si  a-il  falu  qu'il  bataillast  a  l'encontre:  il  en  a  eu  la  victoire,  mais  ce  n'a  pas  este  sans  grand  combat  et  bien  difficile.  Au  reste,  maintenant  nous  avons  a  recueillir  de  ce  passage,  que  combien  qu'il  nous  salle  mourir,  ce  n'est  pas  pourtant  a  dire  que  la  mort  de  nostre  Seigneur  Iesus  Christ  n'ait  son  effet,  et  qu'elle  ne  nous  profite  autant  qu'il  nous  est  expedient:  car  la  mort  a  laquelle  nous  sommes  maintenant  suiets,  n'est  qu'un  advertissement  de  la  malediction  de  Dieu.  Si  nous  estions  du  tout  exemptez  de  mourir,  nous  ne  cognoistrions  pas  la  grace  qui  nous  a  este  acquise  par  nostre  Seigneur  Iesus  Christ.  Et  nous  scavons  quel  besoin  nous  avons  d'estre  humiliez,  et  que  Dieu  nous  face  tousiours  sentir  son  ire:  car  encores  qu'il  nous  en  veuille  exempter,  si  faut-il  que  nous  y  pensions,  afin  de  gemir  a  cause  de  nos  pechez  et  pourtant  plus  magnifier  sa  misericorde.  Ainsi  donc  la  mort  qui  est  maintenant  commune  a  tous  hommes,  n'est  pas  mortelle  a  parler  proprement,  quant  a  ceux  qui  ont  foy  en  Iesus  Christ,  car  ils  passent  seulement  de  ce  monde  pour  vivre  a  Dieu.  Cognoissons  donc  qu'en  mourant  nous  avons  de  quoy  nous  consoler,  scachans  que  Dieu  nous  sera  propice,  et  convertira  ce  mal  en  bien  et  fera  servir  la  mort