25:663  663  SERMON  VI.  664  la  raclure  du  monde,  mesmes  comme  la  fiente  et  ordure  (ainsi  que  S.  Paul  en  parle).  Si,  di-ie,  nous  sommes  ainsi  reprouvez  de  tout  le  monde,  portons  cela  patiemment.  Pourquoy?  Iesus  Christ  est  sorti  de  la  ville  de  Ierusalem  portant  l'opprobre  et  la  malediction  de  tout  le  monde:  et  ainsi  que  nous  soyons  prests  d'estre  conformez  a  luy.  Et  cependant  advisons  de  nous  separer  des  pollutions  qui  regnent  auiourd'huy  par  tout  le  monde.  Et  d'autant  que  nous  ne  pouvons  point  posseder  l'heritage  celeste,  que  nous  ne  surmontions  ces  doutes  et  ces  craintes  qui  nous  retardent,  que  si  nous  pensons  la  dessus  combien  nous  sommes  foibles,  il  est  vray  qu'il  ne  faudra  rien  pour  nous  esbranler  :  mais  si  d'autre  part  nous  regardons  a  nostre  capitaine  Iesus  Christ,  lequel  non  seulement  a  surmonte  toutes  telles  craintes,  mais  la  mort  mesmes,  qu'il  a  vaincu  Sathan,  et  toutes  ses  forces,  alors  nous  pourrons  hardiment  marcher  pour  surmonter  tous  les  empeschemens  qui  nous  pourroyent  destourner  de  suyvre  ou  Dieu  nous  appelle.  Et  ainsi  donc  fermons  les  yeux  a  tout  ce  qui  nous  pourroit  divertir  du  droit  chemin,  et  ne  doutons  point  que  Dieu  ne  soit  tousiours  nostre  conducteur,  et  qu'il  ne  besongne  tellement  qu'il  surmontera  tous  nos  desirs,  et  toute  l'esperance  que  nous  pourrons  avoir.  LE  SIXIEME  SERMON  SUR  LE  CHAP.  I.  V.  22.28.  DU  SAMEDI  13E  D'AVRIL  1555.  Ici  Moyse  reduit  en  memoire  ce  qui  est  contenu  au  13.  chapitre  du  livre  des  Nombres.  Combien  qu'il  semble  que  de  prime  face  il  y  ait  quelque  diversite:  car  la  ii  recite  que  ceux  qui  devoyent  espier  la  terre,  furent  envoyez  par  le  commandement  expres  de  Dieu,  et  ici  il  n'en  fait  point  mention:  mais  il  dit  que  ce  fut  a  la  requeste  du  peuple.  Or  ces  deux  choses  se  peuvent  bien  accorder,  c'est  assavoir,  que  le  peuple  desira  que  l'entree  de  la  terre  fust  congneue  devant  que  passer  outre.  Et  au  reste,  que  Dieu  approuve  un  vel  desir,  ou  bien  mesmes,  qu'il  le  previent,  comme  nous  savons  qu'en  tout  et  par  tout  il  a  guide  ce  peuple  ici  avec  un  soin  plus  que  paternel,  ainsi  qu'il  sera  remonstre  a  la  lecture  prochaine.  Il  n'y  a  donc  nul  inconvenient,  que  Dieu,  afin  de  monstrer  au  peuple  quelle  sollicitude  il  avoit  de  le  conduire,  n'ait  ordonne  qu'on  envoyast  des  espies,  et  cependant  que  le  peuple  aussi  de  son  coste  l'ait  requis.  Ainsi,  tant  y  a  que  nous  voyons  que  Dieu  a  supporte  ce  peuple  quand  il  luy  a  ottroye  d'envoyer  gens  qui  espiassent  la  terre.  Et  notons  que  cela  a  este  pour