9:662  Fateri  etiam  cogentur  Mosen  Iosue,*  discipulo  suo  maiorem  fuisse:  neque  tamen  cursum  solis  moratus  est,  ut  diem  unum  efficeret  ex  biduo.  Unde  sequitur,  perperam  de  personae  excellentia  iudicium  fieri  ex  nudis  miraculis.  Puerilis  autem  haec  obiectio  facile  solvitur,  quia  non  modo  quaerendum  erat,  quae  miracula  ediderint  prophetae,  sed  qua  virtute.  Christus  autem  quum  discipulos  maiora  facturos  dicit,  quam  quae  ipse  fecisset,  non  eos  sibi  vel  praeferre,  vel  aequare  voluit:  quia  penes  unum  ipsum  manet  gloria  operum,  quae  sic  per  manum  hominum  exsequitur,  ut  solus  vere  sit  auctor.  Quin  etiam  dicimus  quaecunque  Moses  edidit  miracula  et  post  eum  prophetae,  proprie  manasse  a  Christo:  quia  fuit  angelus  ille,  quem  Moses  praedicat  ducem  populi  et  custodem  (Exod.  23,  20).  Quod  si  qua  sani  gustus  particula  in  Iudaeis  esset,  statim  agnoscerent  quanta  sit  Christi  praestantia  et  dignitas  supra  Mosen  etiam  in  miraculis.  Non  enim  coelesti  pane,  quo  nos  Christus  pascit,  patres  aluit  Moses  in  vitam  aeternam  et  spiritualem.  Sed  ut  profani  sunt  homines,  imo  impuri  canes,  nihil  mirum,  si  ad  gustandas  coelestes  delitias  sint  prorsus  insipidi.  Cum  bruto  itaque  suo  stupore  omittendi  sunt.  VII.  IUDAEUS.  Quaere:  Quod  vos  dicitis,  illum  esse  filium  Dei,  quum  reperiamus  in  multis  locis  Israelitas  vocari  filios  Dei,  ut,  filii  estis  Domino  {Psal.  82,  6),  est  minime  verum,  aut  omnes  Israelitae  sunt  dei.  CALVINUS.  Quaere  vicissim,  quum  promiscue  Israelitae  omnes  sint  filii  dei,  cur  peculiari  elogio  ornetur  David,  ubi  de  ipso  Deus  pronunciat:  filius  meus  es*)?  Item,  cur  alibi  Solomonem  extollat  supra  omnes  reliquos,  his  verbis:  Ero  ei  in  patrem,  et  ipse  erit  mihi  in  filium  (2.  Sam.  7,  J4)?  Iam  satis  refutata  esset  frivola  eorum  quaestio,  nisi  quod  pauca  verba  docendis  simplicibus  addere  libet.  Vocantur  angeli  filii  Dei.  Idem  nomen  ad  reges  et  iudices  transfertur:  Davidi  autem  tribuitur  singularis  privilegii  loco,  cuius  etiam  respectu  angelos  ipsos  superat.  Colligitur  ergo,  inter  filios  Dei  plures  esse  distinctos  gradus.  Quare  nihil  mirum,  si  Meschia  supra  omnes  emineat.  Filium  vero  unigenitum  dicimus,  et  quidem  natura,  per  quem  adoptionis  gratiam  consequimur,  ut  reputemur  ipsi  quoque  inter  Dei  filios.  1)  Edd.  locum  non  indicant  (Psalm.  2,  7).  42*