49:662  par  son  Prophete  Isaie,  c'est  ascavoir  quand  nous  alleguerons  que  sa  doctrine  nous  est  trop  fascheuse  et  estrange,  et  que  pourtant  nous  n'y  avons  rien  entendu,  que  de  son  coste  il  proteste  que  toutesfois  il  n'a  point  parle  en  cachete,  et  que  sa  doctrine  n'a  point  este  obscure  ni  douteuse:  mais  que  vrayement  elle  nous  devoit  instruire  en  toute  perfection.  Que  donc  de  nostre  coste  nous  mettions  peine  a  profiter  en  telle  sorte  que  quand  nous  avons  este  enseignez  en  l'Evangile,  nous  soyons  prompts  pour  estre  prudens  et  entendus,  comme  aussi  S.  Paul  dit,  que  c'est  la  vraye  perfection  de  sagesse,  quand  il  proteste  qu'il  a  purement  et  fidelement  execute  la  charge  qui  luy  estoit  commise:  et  puis  que  l'Evangile  est  la  sagesse  parfaite  des  hommes:  que  cela  doit  bien  suffire:  comme  se  il  disoit  qu'il  n'a  pas  tenu  a  luy  que  ceux  qui  ont  escoute  sa  doctrine  ne  fussent  deuement  edifiez  pour  scavoir  les  choses  qui  estoyent  requises  au  salut  des  hommes.  Or  auiourd'huy  que  Dieu  nous  a  fait  la  grace  que  nous  ayons  cest  avantage  la  et  privilege,  que  nous  scachions  qu'il  nous  veut  rendre  prudens  et  avisez,  qu'il  ne  veut  pas  que  nous  soyons  poures  aveugles,  tousiours  errans  et  estans  en  doute:  mais  qu'il  nous  veut  donner  une  certitude,  et  nous  mener  au  chemin,  la  ou  nous  ayons  tousiours  le  but  devant  nos  yeux,  par  lequel  nous  puissions  discerner  entre  le  bien  et  le  mal,  et  voyans  que  nous  sommes  par  trop  debiles,  que  nous  prions  Dieu  aussi,  que  par  son  S.  Esprit  il  nous  guide  tellement  que  nous  aquiescions  a  sa  volonte  ainsi  qu'elle  nous  est  testifiee  iournellement  par  sa  Parole.  Car  ce  n'est  point  sans  cause  que  le  sainct  Esprit  ha  ce  titre  de  prudence  et  discretion,  mais  c'est  pour  nous  monstrer  que  nous  avons  besoin  d'estre  aidez  et  secourus,  a  cause  du  defaut  qui  est  en  nous:  et  que  nous  avons  les  esprits  trop  rudes  et  terrestres,  sinon  que  nous  soyons  eslevez  par  la  grace  de  Dieu.  Mais  cependant  si  faut-il  retenir  ce  qui  est  ici  contenu,  que  nous  devons  estre  gens  entendus  et  avisez,  quand  nous  sommes  a  l'escole  de  nostre  Seigneur  Iesus  Christ  qui  est  la  sagesse  de  Dieu  son  Pere.  Or  tenons  maintenant  au  propos  qui  est  ici  traitte.  Le  calice  de  benediction  que  nous  benissons  ne  est-ce  pas  la  communication  du  sang  de  Christ?  et  le  pain  que  nous  rompons  riest-ce  pas  la  communication  du  corps  de  Christ?  Car  estans  plusieurs^  nous  sommes  faits  un  pain  et  un  corps,  d'autant  que  nous  participons  tous  d1  un  pain.  I'ay  desia  dit  a  quoy  sainct  Paul  pretend:  mais  si  nous  faut-il  retenir  la  doctrine  qu'il  expose.  Il  y  a  donc  ici  deux  articles  a  observer.  Le  premier  sera  de  cognoistre  ce  que  sainct  Paul  a  ici  couche  par  escrit.  Le  second  sera  de  noter  la  circonstance