48:662  de  ce  que  nous  avons  dit  que  les  meschans  n'executeront  rien  sinon  ce  que  Dieu  a  ordonne,  plusieurs  pourroyent  replicquer,  Comment?  si  ainsi  est  il  faudroit  dire  que  Dieu  est  cause  du  mal,  et  que  les  meschans  seroyent  a  excuser.  Or  pour  response  il  faut  scavoir  en  premier  lieu  quelle  est  la  volonte  de  Dieu,  et  veoir  comme  il  nous  ia  declare  en  sa  Loy.  Nous  scavons  qu'il  nous  defend  de  desrobber.  Si  ie  vay  donc  desrobber,  ascavoir  si  ie  fay  sa  volonte?  Certes  quand  les  meschans  s'addonnent  a  mal  faire,  ce  n'est  point  pour  faire  la  volonte  de  Dieu:  car  ils  scavent  bien  que  Dieu  reprouve  tout  cela.  Quand  donc  ils  font  mal,  il  y  a  une  resistance  a  la  volonte  de  Dieu.  Parquoy  il  s'ensuit  que  Dieu  ne  veut  point  qu'ils  facent  mal,  mais  il  permet  qu'ils  le  facent,  et  ils  ne  sont  point  excusez  pourtant,  d'autant  qu'ils  le  font  contre  son  commandement.  Et  ne  faut  point  dire  que  Dieu  soit  cause  du  mal,  car  il  ne  commet  pas  les  vices  que  nous  commettons.  Comme  aussi  nous  voyons  qu'il  lasche  la  bride  au  diable,  -  pour  punir  ceux  qui  en  sont  dignes.  Le  diable  commet  le  mal  et  n'ha  autre  esgard  qu'a  mal  faire,  et  cependant  Dieu  ne  laisse  pas  de  s'en  servir  a  une  autre  fin  toute  diverse.  Dieu  permettra  qu'un  larron  et  un  brigand  desrobbera  le  bien  d'un  autre,  voire  qui  sera  fidele  et  bien  vivant.  Et  pourquoy?  pour  esprouver  la  patience  de  cestuy-la,  et  afin  quelle  soit  cognue.  Nous  voyons  ce  que  dit  Iob  en  toutes  ses  persecutions:  Dieu  me  l'avoit  donne,  Dieu  me  l'a  oste,  son  nom  soit  benit.  Et  toutesfois  il  a  este  pille  par  des  brigans.  Comment  s'entend  donc  cela?  Iob  accuseil  Dieu  de  brigandage?  Non.  Il  ne  le  faut  pas  ainsi  entendre:  car  il  cognoist  que  les  brigans  sont  meschans,  et  qu'ils  n'y  vienent  que  contre  la  volonte  de  Dieu,  et  en  intention  de  mal  faire:  mais  il  regarde  plus  haut,  que  cela  ne  s'est  point  fait  sans  la  providence  de  Dieu.  Ainsi  donc  Iob  n'attribue  pas  le  mal  faict  a  Dieu,  mais  il  cognoist  les  hommes  en  leur  degre.  Il  voit  les  Chaldeens  et  les  Sabeens  estre  comme  les  fleaux  de  Dieu.  Ils  le  pillent,  ils  le  desrobbent,  ils  tuent  ses  serviteurs,  ils  emmenent  son  bestial:  brief,  ils  Tappovrissent  du  tout,  et  neantmoins  il  loue  tousiours  Dieu,  cognoissant  bien  que  cela  ne  se  fait  point  sans  son  ordonnance.  Ainsi  nous  en  faut-il  faire:  car  si  les  meschans  nous  persecutent,  il  ne  faut  point  avoir  esgard  a  eux,  mais  il  faut  que  nostre  foy  aille  plus  haut,  ascavoir  a  cognoistre  que  la  providence  de  Dieu  est  par  dessus  eux.  Voyla  comme  il  nous  en  faut  iuger,  et  ne  point  entrer  en  des  speculations  frivoles.  Or  maintenant  nous  voyons  que  Iesus  Christ  a  bien  este  crucifie  par  les  meschans,  et  toutesfois  cela  ne  s'est  point  fait  sans  l'ordonnance  de  Dieu.  Mais  Dieu  a  bien  tendu  a  une  autre  fin.  Les  me-  42*