35:662  gneur  Iesus  n'a  point  eu  esgard  a  sa  personne,  mais  a  este  ravi  de  l'amour  qu'il  nous  portoit,  pour  chercher  la  tout  son  contentement,  comme  s'il  n'avoit  autre  desir,  affection  ou  solicitude.  Or  yci  derechef  nous  avons  a  noter,  que  moyennant  que  par  foy  nous  cherchions  le  bien  qui  nous  a  este  acquis  en  nostre  Seigneur  Iesus  Christ,  et  qui  iournellement  nous  est  offert  pa��  l'Evangile  nous  ne  serons  point  frustrez  de  nostre  esperance.  Car  le  Prophete  dit  qu'il  verra,  pour  exprimer  que  non  seulement  Dieu  nous  a  voulu  declarer  sa  misericorde  en  la  personne  de  son  Fils,  quand  il  l'a  expose  a  la  mort  pour  nous:  mais  qu'il  fera  par  son  sainct  Esprit  que  ceste  mort  la  ne  sera  point  sans  fruit,  et  que  plusieurs  verront  que  ce  n'a  point  este  sans  cause  ni  en  vain  qu'il  a  tant  endure,  et  le  cognoistront  par  experience.  Parquoy  donnons  entree  a  nostre  Seigneur  Iesus  Christ  afin  qu'il  nous  face  participans  du  fruit  de  sa  mort  et  passion,  approchans  de  luy  par  foy:  et  ne  doutons  pas  que  quand  nous  elargirons  ainsi  nos  coeurs,  Dieu  n'adiouste  encores  ce  bien  avec  le  reste,  que  tout  ainsi  qu'il  a  voulu  que  son  Fils  nous  fust  Redempteur,  aussi  vrayement  nous  iouirons  du  bien  qu'il  nous  a  apporte:  et  cognoistrons  que  ce  n'est  pas  une  chose  vaine,  qu'il  ait  tant  endure  pour  nous.  Voyla  donc  ce  que  nous  avons  a  retenir  de  ce  passage.  Quant  au  second  poinct  que  nous  avons  propose,  il  est  yci  monstre  que  non  seulement  Iesus  Christ  devoit  estre  batu,  frappe  et  afflige  de  la  main  de  son  Pere,  pour  soustenir  le  chastiment  que  nous  avions  merite,  mais  aussi  qu'il  devoit  estre  angoisse  en  son  ame.  Il  n'est  pas  yci  dit  seulement  qu'il  verra  le  fruit  de  ses  batures,  de  son  affliction  et  de  sa  mort,  comme  auparavant  le  Prophete  avoit  parle:  mais  du  travail,  et  de  la  fascherie  de  son  ame.  Car  le  mot  dont  il  use  emporte  cela.  Il  veut  donc  exprimer  que  Iesus  Christ  non  seulement  a  este  crucifie,  apres  avoir  endure  grans  tormens  en  son  corps,  mais  qu'il  devoit  passer  plus  outre:  c'est  ascavoir  qu'il  seroit  en  tristesse  pour  nous,  et  qu'il  soustiendroit  les  douleurs  de  ia  mort  et  seroit  assuieti  iusques  la  pour  nous  iustifier.  Et  de  faict,  que  seroit-ce  si  nostre  Seigneur  Iesus  n'avoit  endure  qu'en  apparence,  et  que  devant  les  hommes?  Car  s'il  n'avoit  endure  qu'en  son  corps,  il  seroit  Redempteur  des  corps  tant  seulement.  Mais  d'autant  que  le  principal  que  nous  devons  esperer  de  luy,  est  que  nous  sentions  et  soyons  persuadez  que  la  mort  ne  nous  est  plus  mortelle,  et  que  nous  sommes  affranchis  de  la  malediction  de  Dieu,  il  a  falu  que  nostre  Seigneur  Iesus  sentist  ces  pointes-la  en  soy:  et  que  venant  devant  Dieu,  il  fust  la  comme  un  povre  malfaiteur  devant  son  iuge.  Nous  scavons  que  le  42*